பிக்பாஸ் புகழ் முகேனின் நடிப்பில் வெளிவரவுள்ள திரைப்படம்!

கமல்ஹாசன் தொகுத்து வழங்கிய தொலைக்காட்சி நிகழ்ச்சியான பிக்பாஸில் வெற்றி பெற்றதன் மூலம் புகழ் பெற்றவர் நடிகர் முகேன்.

தமிழில் வெளியாகி வெற்றி பெற்ற “வெப்பம்” திரைப்படத்தின் இயக்குனரான அஞ்சனா அலிகான் இயக்கத்தில் விரைவில் முகேன் நடிக்க உள்ளதாக தற்போது செய்தி வெளியாகியுள்ளது.

இந்தப் படத்தில் நடிகர் முகேனுக்கு ஜோடியாக ஜிவி.பிரகாஷ் குமாரின் “பேச்சுலர்” என்ற படத்தில் அவருக்கு ஜோடியாக நடித்த திவ்யபாரதி நடிக்க உள்ளார் என்ற செய்தியும் பரவி வருகிறது.

மலேசியாவை பூர்வீகமாக கொண்ட முகேன் பிக்பாஸ் நிகழ்ச்சி மூலம் புகழ் பெற்றது மட்டுமல்லாமல் பாடகராகவும் சிங்கிள் பாடல்களை வெளியிட்டு புகழ் அடைந்துள்ளார்.

பிக்பாஸ் வீட்டில் இருந்தபோது கூட தனது கம்போசிங்கில் வெளியான “என்ன மறந்த” என்ற பாடலை பாடி புகழ்பெற்றார். அழகான குரலுக்கு சொந்தக்காரரான முகேனுக்கு நடிக்க வேண்டும் என்பது நீண்ட நாள் ஆசையாம்.

விரைவில் அஞ்சனா அலிகான் இயக்கத்தில் வெளியாகவிருக்கும் இந்த திரைப்படத்தில் முகேன் மற்றும் திவ்யபாரதியுடன் யார் நடிக்க இருக்கிறார்கள் மற்றும் திரைப்படக் குழு குறித்து விரைவில் அதிகாரபூர்வமான செய்தி வெளியாகும் என்று தற்போது செய்தி வந்துள்ளது.