விஜய் டிவியில் ‘உலக நாயகன்’ கமல் ஹாசன் தொகுத்து வழங்கிய ‘பிக் பாஸ்’ ரியாலிட்டி ஷோவின் சீசன் 4 கடந்த ஆண்டு (2020) அக்டோபர் 4-ஆம் தேதி முதல் துவங்கி இந்த ஆண்டு (2021) ஜனவரி 17-ஆம் தேதி வரை ஒளிபரப்பானது. தொடர்ந்து 105 நாட்கள் நடைபெற்ற இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித், தொகுப்பாளினி அர்ச்சனா, பாடகி சுசித்ரா ஆகிய 18 பிரபலங்கள் கலந்து கொண்டனர்.
கடந்த ஞாயிற்றுக்கிழமை பிக் பாஸ் நிகழ்ச்சியில் ஆரி டைட்டில் வின்னர் என்றும், பாலாஜி முருகதாஸ் ரன்னர்-அப் என்றும் ‘உலக நாயகன்’ கமல் ஹாசன் அறிவித்தார். இப்போது ‘பிக் பாஸ் 4’ போட்டியாளர்கள் நடிப்பில் தயாராகி கொண்டிருக்கும் படங்களின் லிஸ்ட் இதோ…
1.ரியோ ராஜ் :
ரியோ ராஜ் நடிப்பில் ‘பிளான் பண்ணி பண்ணனும்’ என்ற படம் தயாராகி கொண்டிருக்கிறது. பத்ரி வெங்கடேஷ் இயக்கியுள்ள இந்த படத்தில் ஹீரோயினாக ரம்யா நம்பீசன் நடித்துள்ளார். இப்படத்திற்கு டாப் இசையமைப்பாளர்களில் ஒருவரான யுவன் ஷங்கர் ராஜா இசையமைத்துள்ளார்.
2.சனம் ஷெட்டி :
சனம் ஷெட்டி நடிப்பில் ‘மஹா, எதிர் வினையாற்று’ என இரண்டு படங்கள் லைன் அப்பில் இருக்கிறது. இதில் ‘மஹா’ படத்தில் ஹன்ஷிகா, சிலம்பரசன் ஜோடியாக நடிக்க முக்கிய ரோலில் சனம் ஷெட்டி நடித்துள்ளார். ‘எதிர் வினையாற்று’ படத்தில் அலெக்ஸ் என்பவர் ஹீரோவாக நடித்து, அவரே இளமைதாஸ் என்பவருடன் இணைந்து இயக்கியுள்ளார்.
3.ரேகா :
ரேகா நடிப்பில் ரியோ ராஜின் ‘பிளான் பண்ணி பண்ணனும்’, யோகி பாபுவின் ‘பேய் மாமா’, சசிகுமாரின் ‘ராஜவம்சம்’, கே.பாக்யராஜின் ‘குஸ்கா’ என நான்கு படங்கள் லைன் அப்பில் இருக்கிறது. இந்நான்கு படங்களிலும் நடிகை ரேகா முக்கிய ரோலில் நடித்துள்ளாராம்.
4.ஆரி :
ஆரி நடிப்பில் ‘அலேகா, எல்லாம் மேல இருக்குறவன் பாத்துப்பான், பகவான்’ மற்றும் இயக்குநர் அபின் இயக்கும் படம் என நான்கு படங்கள் லைன் அப்பில் இருக்கிறது. இதில் இயக்குநர் SS. ராஜமித்ரன் இயக்கும் ‘அலேகா’ படத்தில் ஹீரோயினாக ‘பிக் பாஸ்’ சீசன் 2 மூலம் ஃபேமஸான ஐஸ்வர்யா தத்தா நடிக்கிறார். இயக்குநர் காளிங்கன் இயக்கும் ‘பகவான்’ படத்திற்கு பிரசான் பாலா இசையமைத்து கொண்டிருக்கிறார். இயக்குநர் கவிராஜ் இயக்கும் ‘எல்லாம் மேல இருக்குறவன் பாத்துப்பான்’ படத்தில் ஹீரோயினாக ஷாஷ்வி பாலா நடிக்கிறார்.
5.சம்யுக்தா கார்த்திக் :
சம்யுக்தா கார்த்திக் நடிப்பில் ‘துக்ளக் தர்பார்’, இயக்குநர் பத்ரி வெங்கடேஷ் இயக்கும் படம் என இரண்டு படங்கள் லைன் அப்பில் இருக்கிறது. இதில் ‘மக்கள் செல்வன்’ விஜய் சேதுபதி – பாரத்திபன் இணைந்து நடித்துள்ள ‘துக்ளக் தர்பார்’ படத்தில் முக்கிய ரோலில் சம்யுக்தா கார்த்திக் நடித்துள்ளார். இந்த படத்தை அறிமுக இயக்குநர் டெல்லி பிரசாத் தீனதயாளன் இயக்க, ‘7 ஸ்க்ரீன் ஸ்டுடியோ’ லலித் குமார் தயாரித்து கொண்டிருக்கிறார். பத்ரி வெங்கடேஷ் இயக்கும் படத்தில் கெளதம் கார்த்திக் – ஸ்ரீதிவ்யா ஜோடியாக நடிக்க உள்ளனர்.
6.சுரேஷ் சக்கரவர்த்தி :
சுரேஷ் சக்கரவர்த்தி நடிப்பில் ‘துப்பறிவாளன் 2’ என்ற படம் தயாராகி கொண்டிருக்கிறது. இந்த படத்தை விஷாலே தயாரித்து, இயக்கி, நடித்து வருகிறார். இதில் சுரேஷ் சக்கரவர்த்தி முக்கிய ரோலில் நடிக்கிறார்.
7.அர்ச்சனா :
அர்ச்சனா நடிப்பில் ‘டாக்டர்’ என்ற படம் தயாராகி கொண்டிருக்கிறது. இயக்குநர் நெல்சன் இயக்கி வரும் இந்த படத்தில் சிவாவுக்கு ஜோடியாக பிரியங்கா மோகன் என்பவர் நடித்து கொண்டிருக்கிறார். இதில் முக்கிய ரோலில் அர்ச்சனா நடிக்கிறாராம்.
Home