‘பிக் பாஸ்’ சரித்திரத்தில் முதல் முறையாக நடக்கப்போகும் விஷயம்… ‘எவிக்ஷன் ஃப்ரீ பாஸ்’ஐ கைப்பற்றப்போகும் போட்டியாளர் யார்?

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது . இந்த சீசன் 4-யில் கலந்து கொள்ளப்போகும் பிரபலங்கள் யார்? என தெரிந்து கொள்ள ரசிகர்கள் ஆர்வமாக இருந்தார்கள். தினமும் பல பிரபலங்களின் பெயர்களை குறிப்பிட்ட வண்ணம் இருந்தது கோலிவுட் வட்டாரம்.

தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டுள்ளனர்.

பிக் பாஸ் வீட்டில் முதல் நாமினேஷன் பிராஸஸில் ரேகா, கேப்ரில்லா, சனம் ஷெட்டி, சம்யுக்தா கார்த்திக், ஆஜித், ரம்யா பாண்டியன், ஷிவானி நாராயணன், சுரேஷ் சக்கரவர்த்தி ஆகிய 8 போட்டியாளர்களின் பெயர் இருக்கிறது. இதில் சுரேஷ் சக்கரவர்த்தி வீட்டின் இந்த வார தலைவராக வலம் வரப்போவதால் அவரின் பெயர் இந்த லிஸ்டில் இருந்து நீக்கப்பட்டுள்ளதாக நேற்றைய ஷோவில் பிக் பாஸ் அறிவித்தார்.

தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் ‘பிக் பாஸ்’ குரலில் “பிக் பாஸ் சரித்திரத்தில் முதல் முறையாக மக்களின் வாக்கை மாற்றியமைக்கும் சக்தி ‘எவிக்ஷன் ஃப்ரீ பாஸ்’… இது இந்த சீசன் முழுமைக்கும் செல்லுபடியாகும்… அதை கைப்பற்ற முதல் வாரத்தில் தகுதியற்ற 8 போட்டியாளர்கள் சுயநலத்தோடு ஒவ்வொருவராக வெளியேற்ற வேண்டும்” என்று ஒலிக்கிறது. இவ்வீடியோ சமூக வலைத்தளங்களில் தீயாய் பரவி வருகிறது.