‘பிக் பாஸ் 4’யில் முதல் காதல் ஸ்டார்ட் ஆயிடுச்சு… அந்த ஜோடி இவங்கதான்!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது . இந்த சீசன் 4-யில் கலந்து கொள்ளப்போகும் பிரபலங்கள் யார்? என தெரிந்து கொள்ள ரசிகர்கள் ஆர்வமாக இருந்தார்கள். தினமும் பல பிரபலங்களின் பெயர்களை குறிப்பிட்ட வண்ணம் இருந்தது கோலிவுட் வட்டாரம்.

தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டுள்ளனர். நேற்று பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார்.

தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் மாடல் பாலாஜி முருகதாஸ், நடிகை கேப்ரில்லாவிடம் “இன்னும் கிச்சன்ல என்ன பண்ணிட்டு இருக்க?” என்று கேட்க, அதற்கு கேப்ரில்லா “உனக்கு அவ்ளோ நேரம் நம்ம பேசாதது உனக்கு கவலையே இல்லல” என்று சொல்கிறார். பின், பாலாஜி முருகதாஸ் “நான் என்ன ஜோசியக்காரனாப்பா மைன்ட் வாய்ஸை கேட்ச் பண்ணுவதற்கு” என்று சொல்ல, அதற்கு கேப்ரில்லா “அப்போ சார் உங்களுக்கு தெரியலையோ, நடிக்காத” என்று சொல்கிறார். அதன் பிறகு கேப்ரில்லா, பாலாஜியை துரத்திச் செல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.