புது காதல் ஸ்டார்ட் ஆயிடுச்சு போல… வெளியானது ‘பிக் பாஸ் 4’ புது ப்ரோமோ!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது . இந்த சீசன் 4-யில் கலந்து கொள்ளப்போகும் பிரபலங்கள் யார்? என தெரிந்து கொள்ள ரசிகர்கள் ஆர்வமாக இருந்தார்கள். தினமும் பல பிரபலங்களின் பெயர்களை குறிப்பிட்ட வண்ணம் இருந்தது கோலிவுட் வட்டாரம்.

தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். கடந்த வாரம் ஞாயிற்றுக்கிழமை பிக் பாஸ் ஷோவில் ரேகா எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் “ரொம்ப எமோஷனலா முடிஞ்சது அந்த விஷயம்” என்று பாலாஜி முருகதாஸ் பேசுகிறார். அதற்கு ஷிவானி நாராயணன் “இல்ல அழுதீங்கன்னு நினைக்குறேன்” என்று பேசுகிறார்.

பின், பாலாஜி முருகதாஸ் “because it was very emotional” என்று பேசுகிறார். அதன் பிறகு ஷிவானி நாராயணன் “இப்ப நீங்க சொல்லித்தான் தெரியுது இதெல்லாம்” என்று பேசுகிறார். அதற்கு பாலாஜி முருகதாஸ் “அப்படியே செட் பண்ணிட்டாங்க. நம்ம திமிரா பேசுறதுனால எல்லாத்துக்குமே திமிரா பேசுவோம்னு” என்று பேசுகிறார். அதற்கு, ஷிவானி நாராயணன் “you are honest okay. but, அதை convey பண்ற விதம் attitude-ஆ இருக்கு. அது உங்க ஸ்டைல்” என்று பேசுகிறார். அதன் பிறகு சம்யுக்தா கார்த்திக், பாலாஜியிடம் “ஷிவானி என்ன சொன்னா? ஓகே ஆயிடுச்சா?” என்று கேட்கிறார். அதற்கு பாலாஜி “என்ன ஓகே ஆயிடுச்சா? தெளிவா கேளுங்க எது கேட்டாலும் இந்த வீட்ல” என்று பேசுகிறார். இவ்வீடியோ சமூக வலைத்தளங்களில் தீயாய் பரவி வருகிறது.