விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது . இந்த சீசன் 4-யில் கலந்து கொள்ளப்போகும் பிரபலங்கள் யார்? என தெரிந்து கொள்ள ரசிகர்கள் ஆர்வமாக இருந்தார்கள். தினமும் பல பிரபலங்களின் பெயர்களை குறிப்பிட்ட வண்ணம் இருந்தது கோலிவுட் வட்டாரம்.
தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.
கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். கடந்த வாரம் ஞாயிற்றுக்கிழமை பிக் பாஸ் ஷோவில் ரேகா எலிமினேட் செய்யப்பட்டார். தற்போது, நடிகை ரம்யா பாண்டியன் ‘பிக் பாஸ்’ வீட்டில் என்ட்ரியாவதற்கு முன்பு நடித்த ‘முகிலன்’ என்ற வெப் சீரிஸின் ட்ரெய்லர் ரிலீஸாகியுள்ளது. இதனை ஸ்ரீ ராம் ராம் என்பவர் இயக்கியுள்ளார். கேங்க்ஸ்டர் த்ரில்லர் டிராமா ஜானர் வெப் சீரிஸான இதில் ஹீரோவாக கார்த்திக் ராஜ் நடித்துள்ளார். இவ்வெப் சீரிஸை வருகிற அக்டோபர் 30-ஆம் தேதி பிரபல OTT தளமான ‘ஜீ5’யில் ரிலீஸ் செய்ய ப்ளான் போட்டுள்ளனர்.
Verithanam therikka pogudhu! Mugilan Trailer Idho!
Unga favourite #KarthikRaj asathalana Don'aagavum @iamramyapandian Maheshwari'aagavum ungala mersal aaka varanga! #Mugilan premieres 30th Oct on #ZEE5 #RiseOfADon @ZeeTamil pic.twitter.com/xE7ekEBSAr
— ZEE5 Tamil (@ZEE5Tamil) October 28, 2020
