விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 5 கடந்த ஆண்டு (2021) அக்டோபர் 3-ஆம் தேதி முதல் ஒளிபரப்பாகி வந்தது. இந்த நிகழ்ச்சியில் இசை வாணி, ராஜு ஜெயமோகன், மதுமிதா, அபிஷேக் ராஜா, நமீதா மாரிமுத்து, பிரியங்கா தேஷ்பாண்டே, அபிநய், பாவனி ரெட்டி, சின்னப்பொண்ணு, நாடியா சங், வருண், இமான் அண்ணாச்சி, சுருதி, அக்ஷரா ரெட்டி, ஐக்கி பெர்ரி, தாமரைச்செல்வி, சிபி, நிரூப், அமீர், சஞ்சீவ் ஆகிய 20 பிரபலங்கள் கலந்து கொண்டனர்.
கடந்த ஜனவரி 16-ஆம் தேதி வரை நடைபெற்ற இந்த சீசனில் ராஜு ஜெயமோகன் டைட்டில் வின்னர் என்றும், பிரியங்கா ரன்னர் அப் என்றும் ‘உலக நாயகன்’ கமல் ஹாசன் அறிவித்தார். விஜய் டிவியில் ஒளிபரப்பான ‘கனா காணும் காலங்கள் : கல்லூரி சாலை’ சீரியல் மூலம் ஃபேமஸானவர் தான் ராஜு ஜெயமோகன். அதன் பிறகு ‘ஆண்டாள் அழகர்’ என்ற சீரியலிலும், ‘நட்புனா என்னானு தெரியுமா’ என்ற படத்திலும் நடித்தார். மேலும், இயக்குநரும், நடிகருமான கே.பாக்யராஜிடம் உதவி இயக்குநராக பணியாற்றினார் என்பது குறிப்பிடத்தக்கது.
‘தளபதி’ விஜய்யின் கேரியரில் மிக முக்கியமான படம் ‘நண்பன்’. 2012-யில் ரிலீஸான இந்த படத்தை டாப் இயக்குநர்களில் ஒருவரான ஷங்கர் இயக்கியிருந்தார். இதில் முக்கிய ரோலில் விகாஸ் நடித்திருந்தார். ஆனால், அந்த ரோலில் நடிப்பதற்காக ராஜு ஜெயமோகன் ஆடிஷன் போனாராம். பின், சில காரணங்களால் இந்த ரோலுக்கு ராஜு பொருந்தவில்லை என்று ஷங்கர் கூறி விட்டாராம்
