பிரபல பிக்பாஸ் நடிகர் ஆர்வ்வுக்கு திருமணம்- இவர்தான் மணப்பெண்!

கமல்ஹாசன் தொகுத்து வழங்கிய பிக்பாஸ் நிகழ்ச்சியில் டைட்டில் வின்னர் ஆக வந்தபிறகு ரசிகர்களிடையே பெரிய வரவேற்பை பெற்றவர் நடிகர் ஆரவ். தற்போது இவருக்கு திருமணம் என்ற செய்தி படு வைரலாக இணையதளத்தில் பரவி வருகிறது.

நடிகை ஓவியா மற்றும் ஆரவ் பிக்பாஸ் நிகழ்ச்சியில் இருந்த போது ஒருவரை ஒருவர் விரும்பினார்கள் என்பதும், இவர்களுக்கு இடையே உள்ள காதலை மிகைப்படுத்தி டிஆர்பிக்காக பிக்பாஸ் குழுவினர் காட்டியதால் மன அழுத்தத்தில் ஓவியா தற்கொலை செய்ய முயற்சி செய்தார் என்பதும் அனைவருக்கும் தெரிந்த விஷயமே.

இந்நிலையில் பிக்பாஸ் ஆரவ்வுக்கு தற்போது திருமணம் நடக்கவுள்ளதாகவும் மணப்பெண் கௌதம் வாசுதேவ் மேனன் இயக்கத்தில் வெளியாகவுள்ள “ஜோஸ்வா இமைபோல் காக்க” படத்தில் நடித்த ராஹே என்றும் தற்போது செய்தி வெளியாகியுள்ளது.

இது ஒரு காதல் திருமணம் என்றும் இரு வீட்டார் சம்மதத்துடன் விரைவில் திருமணம் நடக்கவுள்ளதாகவும் கூறப்படுகிறது. நடிகை ஓவியா ஆரவ்வை விரும்புவதாக வதந்திகள் இருந்தாலும், தனக்கு திருமணத்தின் மேல் நம்பிக்கை இல்லை என்று ஓவியா கூறியுள்ளது குறிப்பிடத்தக்கது.

விரைவில் ஆரவ் மற்றும் ராஹே திருமணம் குறித்த செய்தி அதிகாரப்பூர்வமாக வெளியாகும் என்று எதிர்பார்க்கப்படுகிறது.