சினிமாவில் பல ஜானர்களில் படங்கள் வந்த வண்ணமுள்ளது. தமிழ் சினிமாவில் ஹாரர், ஆக்ஷன், த்ரில்லர், காமெடி, ரொமாண்டிக், சைன்ஸ்-ஃபிக்ஷன், அட்வெஞ்சர், ஃபேண்டசி, அடல்ட் காமெடி போன்ற ஜானர்களில் படங்கள் வெளியாகியிருக்கிறது. இதில் அடல்ட் காமெடி ஜானரில் குறைவான படங்கள் மட்டுமே வெளியாகியிருக்கிறது.
தற்போது, தமிழில் ‘இரண்டாம் குத்து’ (இருட்டு அறையில் முரட்டு குத்து – பார்ட் 2), ‘முருங்கக்காய்’, ‘பல்லு படாம பாத்துக்க’, ‘முருங்கைகாய் சிப்ஸ்’ என நான்கு அடல்ட் காமெடி ஜானர் படங்கள் உருவாகி கொண்டிருக்கிறது. இந்நிலையில், இந்த லிஸ்டில் புதிதாக ‘பிக் பாஸ்’ பிரபலத்தின் படமும் இணைந்துள்ளதாக தகவல் கிடைத்துள்ளது.
இன்னும் பெயரிடப்படாத இதில் ஹீரோவாக அஜித்தின் ‘மங்காத்தா’ படம் ஃபேமஸான நடிகர் மஹத் ராகவேந்திரா நடிக்க உள்ளாராம். இந்த படத்தை அறிமுக இயக்குநர் அரவிந்த் என்பவர் இயக்க உள்ளார். இதனை ‘ஷ்வேத்’ நிறுவனம் சார்பில் நடிகர் நிதின் சத்யா தயாரிக்க உள்ளார். ஏற்கனவே, நடிகர் மஹத் ராகவேந்திரா நடிப்பில் மூன்று படங்கள் லைன் அப்பில் இருப்பது குறிப்பிடத்தக்கது.
