தமிழ் சினிமாவில் முன்னணி நடிகர்களில் ஒருவராக வலம் வருபவர் விஜய். இவரது ரசிகர்கள் ‘தளபதி’ என்று அன்போடு அழைத்து வருகிறார்கள். விஜய்யின் 67-வது படமான ‘லியோ’வை இயக்குநர் லோகேஷ் கனகராஜ் இயக்கியுள்ளார்.
இப்படம் நேற்று (அக்டோபர் 19-ஆம் தேதி) தமிழ், தெலுங்கு, ஹிந்தி, கன்னடம், மலையாளம் என ஐந்து மொழிகளில் திரையரங்குகளில் ரிலீஸானது. இந்த படத்தை ‘7 ஸ்க்ரீன் ஸ்டுடியோ’ நிறுவனம் சார்பில் லலித் குமார் அதிக பொருட்செலவில் தயாரித்துள்ளார்.
இதில் விஜய்-க்கு ஜோடியாக த்ரிஷா நடித்துள்ளார். மேலும், மிக முக்கிய ரோல்களில் சஞ்சய் தத், மிஷ்கின், அர்ஜுன், கெளதம் மேனன், மேத்யூ தாமஸ், மன்சூர் அலிகான், ப்ரியா ஆனந்த், சாண்டி, ‘பிக் பாஸ்’ ஜனனி ஆகியோர் நடித்துள்ளனர். இதற்கு அனிருத் இசையமைத்துள்ளார், மனோஜ் பரமஹம்சா ஒளிப்பதிவு செய்துள்ளார், பிலோமின் ராஜ் படத்தொகுப்பாளராக பணியாற்றியுள்ளார்.
தற்போது, ‘பிக் பாஸ்’ ஜனனி தனது இன்ஸ்டாகிராம் பக்கத்தில் “‘லியோ’ படத்தில் நடித்ததில் எனக்கு மிக்க மகிழ்ச்சி. அதுவும் விஜய்யுடன் நடிக்க வேண்டும் என்பது எனது ட்ரீமாக இருந்தது, இப்போது அது நிஜமாகியிருக்கிறது. இது எனது முதல் திரைப்படம். வாய்ப்பளித்த இயக்குநர் லோகேஷ் கனகராஜுக்கு நன்றி” என்று பதிவிட்டுள்ளார்.
