விஜய் டிவியில் உலக நாயகன் கமல்ஹாசன் தொகுத்து வழங்கும் பிக்பாஸ் என்ற பிரபல தொலைக்காட்சி நிகழ்ச்சியின் நான்காவது சீசன் கடந்த அக்டோபர் 4ஆம் தேதி முதல் ஒளிபரப்பு செய்யப்பட்டது. இந்த நிகழ்ச்சியின் பங்கேற்பாளர்கள் யார்? என்ற கேள்வி அனைவரது மனதிலும் ஒரு ஆர்வத்தை ஏற்படுத்தி வந்த நிலையில் பலரும் இவர்கள் கலந்து கொள்வார்கள் என்று அவ்வப்போது ஏதேனும் ஒரு பிரபலத்தின் பெயரை வெளியிட்டு வந்தார்கள்.
மொத்தம் 105 நாட்கள் இந்த பிக்பாஸ் வீட்டில் இருக்கும் பிரபலங்களின் பட்டியல் வெளியாகியது. இதில் 16 பங்கேற்பாளர்கள் தேர்வு செய்யப்பட்டுள்ளார்கள். நடிகர் ரியோ ராஜ், நடிகை சனம் ஷெட்டி, நடிகை ரேகா, நடிகர் பாலாஜி முருகதாஸ், நடிகை சிவானி நாராயணன், செய்திவாசிப்பாளர் அனிதா சம்பத், பாடகர் வேல்முருகன், நடிகர் ஜித்தன் ரமேஷ், நடிகர் ஆரி, மாடல் சோமசேகர், நடிகை கேப்ரில்லா, நகைச்சுவை பேச்சாளர் அறந்தாங்கி நிஷா, நடிகர் சுரேஷ் சக்கரவர்த்தி, நடிகை சமயுக்தா கார்த்திக், நடிகை ரம்யா பாண்டியன, சூப்பர் சிங்கர் ஆஜித் உள்ளிட்ட 16 பிரபலங்கள் கலந்து கொண்டுள்ளார்கள்.
விஜய் டிவியில் 2012 ஆம் ஆண்டு ஒளிபரப்பான “சூப்பர் சிங்கர் ஜூனியர் 3” நிகழ்ச்சியில் பங்கு கொண்டு வெற்றி பெற்றதன் மூலம் தமிழ் ரசிகர்களிடையே தன் இனிமையான குரலால் பிரபலமடைந்தவர் பாடகர் ஆஜித். சிறுவயதிலேயே அதிக அளவில் பாடல்களைப் பாடி அதன் மூலம் புகழ் பெற்று பின்பு சூப்பர் சிங்கர் நிகழ்ச்சியில் கலந்துகொண்டு தமிழ் திரையுலகில் கால் பதித்தவர். பின்பு தமிழ் திரையுலகில் பாடகராக அறிமுகமாகி 2014 ஆம் ஆண்டு வெளியான பூவரசம்பீபீ என்ற படத்தில் மூன்று பாடல்களை பாடியிருந்தார். எனக்கொன்றும் வான்வெளி, திக்கி திணறுது, கோ கோ கோ மற்றும் ஆங்கிரி பேர்ட்ஸ் என்ற பாடல்களைப் பாடி தனக்கென தனி இடத்தை தக்க வைத்துக் கொண்டார். சமூக வலைதளங்களில் இவரது பாடல்கள் எங்கு திரும்பினாலும் ஒலிக்கும் அளவிற்கு ஒரு காலத்தில் இவர் குரல் மிகவும் போற்றப்பட்டது. நடுவில் சில வருடங்கள் இடைவெளி விட்டு காணாமல் போயிருந்த பாடகர் ஆஜித் தற்போது கமல்ஹாசன் தொகுத்து வழங்கும் பிக்பாஸ்4 போட்டியில் இவர் தான் கடைசி பங்கேற்பாளராக உள்ளே நுழைந்தார்.
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
Home