பிரபல தமிழ் திரைப்பட இயக்குனர் அட்லி இயக்கத்தில் வெளிவந்த படம் “பிகில்”. இந்தப் படத்தை தற்போது ஜெர்மனி மற்றும் பிரான்ஸ் ஆகிய நாடுகளில் மீண்டும் வெளியிட திட்டமிட்டுள்ளதாக செய்திகள் வந்துள்ளது.
ஏ.ஜி.எஸ் என்டர்டெயின்மென்ட் தயாரிப்பில் உருவான பிகில் திரைப்படம், சென்ற ஆண்டு தீபாவளியன்று வெளியிடப்பட்டது. இந்த படத்தில் விஜய்க்கு ஜோடியாக நடிகை நயன்தாரா நடித்திருந்தார். மேலும் ஜாக்கி ஷெராப் ,கதிர், விவேக் ஆகியோரும் நடித்திருந்தனர்.ரசிகர்களிடையே இந்த படம் நல்ல வரவேற்பைப் பெற்றது.
ஏ.ஆர். ரகுமான் இசையமைப்பில் வெளிவந்த இந்த படத்தின் பாடல்கள் அனைத்தும் சூப்பர் ஹிட் அடித்தது. ஜீ.கே.விஷ்ணு இந்த படத்திற்கு ஒளிப்பதிவு செய்திருந்தார்.
இயக்குனர் அட்லி இயக்கத்தில் தெறி ,மெர்சல் ஆகிய படங்களுக்கு அடுத்து இந்த கூட்டணி “பிகில்” திரைப்படத்தில் இணைந்திருந்தது . இந்த படத்தில் விஜய் இரட்டை வேடத்தில் நடித்திருந்தார்.
ரசிகர்களிடையே நல்ல வரவேற்பை பெற்ற இந்த படம் வசூல் வேட்டையாடி பாக்ஸ் ஆபிஸ் ஹிட் அடித்தது.
ஒவ்வொரு வருடமும் விஜய்யின் பிறந்தநாளையொட்டி பிரான்ஸ் மற்றும் ஜெர்மனியில் அவரது படம் திரையிடப்படுவது வழக்கம். அதையொட்டி இந்த வருடம் அவரது பிறந்தநாளன்று” பிகில்” திரைப்படத்தை வெளியிட அரசாங்க அனுமதியுடன் திட்டமிட்டுள்ளனர்.
கொரோனா பாதிப்பு காரணமாக ஜுன் 22ம் தேதி வரும் தன் பிறந்த நாளன்று ரசிகர்கள் எந்த கொண்டாட்ட நிகழ்ச்சிகளையும் நடத்த வேண்டாம் என்று விஜய் வேண்டுகோள் விடுத்துள்ளார்.
Home