அஜித் சிறந்த மனிதர்- நடன இயக்குனர் பிருந்தா!

தமிழ் திரைப்படவுலகில் பல நடன இயக்குனர்கள் இருந்தாலும் பிருந்தா மாஸ்டர் தனக்கென தனி இடத்தை பிடித்துள்ளார். இவரது கோரியோகிராபியில் பல முன்னணி நட்சத்திரங்கள் ஆடியுள்ளார்கள்.

2003-ம் ஆண்டு வெளிவந்த “காக்க காக்க” படத்தில் கோரியோகிராபராக தமிழ் திரையுலகிற்கு வந்தவர் பிருந்தா. அதற்கு முன்னர் 1980களிலேயே அசிஸ்டன்ட் கோரியோகிராபராக தனது பயணத்தை தொடங்கி விட்டார்.

இவர் தமிழ் மட்டுமல்லாது தெலுங்கு, இந்தி, மலையாளம் என பிற மொழி படங்களிலும் நடன இயக்குனராக பணியாற்றியிருக்கிறார். இவர் ரஜினி, கமல், விஜய், அஜித், மோகன்லால் என்று அனைத்து முன்னணி நட்சத்திரங்களுடனும் இணைந்திருக்கிறார்.

தற்போது அவர் துல்கர் சல்மான், காஜல் அகர்வால், அதிதி ராவ் ஆகியோர் இணைந்து நடித்திருக்கும் “ஏய் சினாமிகா” என்ற படத்தில் பணியாற்றி வருகிறார்.

தற்போது இவர் தல அஜித்துடன் இருக்கும் புகைப்படங்களை வெளியிட்டு முகவரி முதல் விசுவாசம் வரை என்று நடிகர் அஜித்துடன் தனது அனுபவம் பற்றி குறிப்பிட்டுள்ளார்.

https://twitter.com/BrindhaGopal1/status/1277837135102357504

இந்த பதிவில்” முகவரி டு விஸ்வாசம். அஜித் ஒரு சிறந்த மனிதர். கடின உழைப்பாளி ஜோதிகா மற்றும் எனது குரு பிசி ஸ்ரீராம்” என்று குறிப்பிட்டுள்ளார்.

தல ரசிகர்களிடையே இந்த பதிவு வைரலாக பரவி வருகிறது.