“சிரஞ்சீவி அண்ணாவை உயிருள்ளவரை மறக்க மாட்டேன்”… பொன்னம்பலம் வெளியிட்ட உருக்கமான வீடியோ!

தெலுங்கு சினிமாவில் டாப் ஹீரோக்களில் ஒருவராக வலம் வருபவர் ‘மெகா ஸ்டார்’ சிரஞ்சீவி. ‘சைரா நரசிம்மா ரெட்டி’ என்ற படத்துக்கு பிறகு சிரஞ்சீவி நடித்து வரும் படம் ‘ஆச்சார்யா’. இந்த படத்தை இயக்குநர் கொரட்டாலா சிவா இயக்க, முக்கிய ரோல்களில் ராம் சரண், காஜல் அகர்வால், பூஜா ஹெக்டே நடிக்கின்றனர்.

இதனை நடிகர் ராம் சரணுடன் இணைந்து ‘மேட்னி எண்டர்டெயின்மெண்ட்ஸ்’ நிறுவனம் தயாரித்து கொண்டிருக்கிறது. சமீபத்தில், வெளியிடப்பட்ட இதன் ஃபர்ஸ்ட் லுக் டீசர் மற்றும் சிங்கிள் டிராக் ரசிகர்களிடம் நல்ல வரவேற்பினை பெற்றது. மிக விரைவில் இந்த படத்தின் ரிலீஸ் தேதி அறிவிக்கப்படும் என எதிர்பார்க்கப்படுகிறது.

இந்நிலையில், பிரபல நடிகர் பொன்னம்பலத்தின் சிறுநீரக மாற்று அறுவை சிகிச்சைக்காக நடிகர் சிரஞ்சீவி ரூ.2 லட்சம் கொடுத்து உதவி செய்துள்ளதாக தகவல் கிடைத்துள்ளது. இது தொடர்பாக நடிகர் பொன்னம்பலம் வெளியிட்டுள்ள வீடியோவில் “சிரஞ்சீவி அண்ணனுக்கு வணக்கம். ஜெய்ஸ்ரீராம். ரொம்ப நன்றி அண்ணா. சிறுநீரக மாற்று அறுவை சிகிச்சைக்காக நீங்க கொடுத்த 2 லட்சம் ரூபாய் எனக்கு ரொம்பவும் உதவியாக இருந்தது. உயிர் உள்ளவரை மறக்க மாட்டேன். அண்ணனுக்கு எனது மனமார்ந்த நன்றி. உங்க பெயர் கொண்ட அந்த ஆஞ்சிநேயரும் உங்களை சிரஞ்சீவியாக வைத்திருப்பார். ஜெய்ஸ்ரீராம். நன்றி அண்ணா” என்று கூறியுள்ளார்.

Megastar @KChiruTweets transferred an amount of 2 Lakhs rupees to Artist #Ponnambalam for his kidney transplant operation. He thanked megastar for his timely help. ❤️ pic.twitter.com/y7Dk1rw6nf

— Vamsi Shekar (@UrsVamsiShekar) May 21, 2021