சமீப காலமாக தொடர்ச்சியான மரணங்கள் ரசிகர்களுக்கும், திரையுலகினருக்கும் அதிர்ச்சியைத் தருகிறது. பிரபல பின்னணி பாடகர் எஸ்.பி.பாலசுப்ரமணியம், பிரபல காமெடி நடிகர் விவேக், பிரபல இயக்குநர்கள் எஸ்.பி.ஜனநாதன் – தாமிரா, பிரபல ஒளிப்பதிவாளரும், இயக்குநருமான கே.வி.ஆனந்த், பிரபல காமெடி நடிகர் பாண்டு என ரசிகர்களுக்கும், திரையுலக பிரபலங்களுக்குமே பிடித்தமான நபர்களின் இழப்பு அதிர்ச்சியளிக்கிறது.
இந்த சூழலில் இன்னொரு மரணச் செய்தி வந்திருக்கிறது. ‘வெற்றிக் கொடி கட்டு, இவன், ரன், அன்பே சிவம், சாமி, வின்னர், திருமலை, அன்பே ஆருயிரே, இம்சை அரசன் 23-ஆம் புலிகேசி, அறை எண் 305-ல் கடவுள், படிக்காதவன், கந்தசாமி, சகுனி’ போன்ற பல படங்களில் மிக முக்கிய ரோலில் நடித்தவர் பிரபல காமெடி நடிகர் நெல்லை சிவா.
நெல்லை தமிழில் இவர் பேசும் காமெடி வசனங்களுக்கு மிகப் பெரிய ரசிகர் பட்டாளமே இருக்கிறது. இவர் நடித்த கடைசி படமான ‘பரமபதம் விளையாட்டு’ சமீபத்தில் பிரபல OTT தளமான ‘டிஸ்னி பிளஸ் ஹாட் ஸ்டார்’யில் ரிலீஸானது. தற்போது, நெல்லை சிவாவுக்கு திடீரென மாரடைப்பு ஏற்பட்டு இயற்கை எய்தினார் என தகவல் கிடைத்துள்ளது. 69 வயதான நடிகர் நெல்லை சிவாவின் மறைவுக்கு திரையுலகினர் பலர் சமூக வலைத்தளங்களில் இரங்கல் தெரிவித்து வருகின்றனர்.
One of the nicest actors I had the privilege to work with. He always telling us jokes and entertaining the crew. May his soul rest in peace ayya.#nellaisiva pic.twitter.com/vofbGXgsOQ
— krishna (@Actor_Krishna) May 11, 2021
நகைச்சுவை நடிகர் நெல்லை சிவா உடல்நலக்குறைவு காரணமாக காலமானார். #NellaiSiva passed away. #RIPNellaisiva pic.twitter.com/FPPvcVbTvM
— NadigarSangam PrNews (@NadigarsangamP) May 11, 2021
