சினிமாவில் பாப்புலர் நடிகைகளில் ஒருவராக வலம் வருபவர் தர்ஷா குப்தா. இவர் விஜய் டிவியில் ஒளிபரப்பான ‘குக் வித் கோமாளி’ நிகழ்ச்சி மூலம் தான் ஃபேமஸானார். இதனைத் தொடர்ந்து ‘ருத்ர தாண்டவம்’ என்ற தமிழ் படத்தில் ஹீரோயினாக நடித்திருந்தார் தர்ஷா குப்தா.
இப்படம் 2021-ஆம் ஆண்டு அக்டோபர் மாதம் 1-ஆம் தேதி திரையரங்குகளில் ரிலீஸானது. இந்த படத்தை ‘திரௌபதி’ படம் மூலம் ஃபேமஸான இயக்குநர் மோகன்.ஜி இயக்கியிருந்தார்.
இதனைத் தொடர்ந்து ‘ஓ மை கோஸ்ட்’ என்ற படத்தில் நடித்தார் தர்ஷா குப்தா. இப்போது இவர் நடிப்பில் ‘மெடிக்கல் மிராக்கல்’ என்ற படம் உருவாகி வருகிறது. இதில் ஹீரோவாக யோகி பாபு நடிக்கிறார்.
இந்நிலையில், நேற்று முன் தினம் (ஜூன் 7-ஆம் தேதி) நடிகை தர்ஷா குப்தாவின் பிறந்த நாள் என்பதால் திரையுலக பிரபலங்களும், ரசிகர்களும் இவருக்கு சமூக வலைத்தளங்களில் வாழ்த்து தெரிவித்தனர். தற்போது, இவரின் பிறந்தநாள் கொண்டாட்டத்தின் போது எடுக்கப்பட்ட ஸ்டில்ஸ் மற்றும் வீடியோ வெளியாகியுள்ளது.
