சிலம்பரசனுக்கு பதிலாக நடித்த தனுஷ்… அந்த சூப்பர் ஹிட் படம் எது தெரியுமா?

சினிமாவில் பாப்புலர் ஹீரோவாக வலம் வருபவர் சிலம்பரசன் TR. இவர் நடிப்பில் ‘மாநாடு, மஹா, பத்து தல, வெந்து தணிந்தது காடு, கொரோனா குமார்’ என ஐந்து படங்கள் லைன் அப்பில் இருந்தது. இதில் பிரபல இயக்குநர் வெங்கட் பிரபு இயக்கியிருந்த ‘மாநாடு’ திரைப்படம் கடந்த நவம்பர் 25-ஆம் தேதி திரையரங்குகளில் ரிலீஸானது.

இந்த படத்தில் ஹீரோயினாக கல்யாணி ப்ரியதர்ஷனும், வில்லன் ரோலில் எஸ்.ஜே.சூர்யாவும் நடித்திருந்தனர். மேலும், மிக முக்கிய ரோல்களில் பிரேம்ஜி அமரன், மனோஜ் பாரதிராஜா, எஸ்.ஏ.சந்திரசேகர், கருணாகரன், ஒய்.ஜி.மகேந்திரன் மற்றும் பலர் நடித்திருந்தனர். தற்போது, இப்படம் திரையரங்குகளில் வெற்றிகரமாக ஓடிக் கொண்டிருக்கிறது.

இந்நிலையில், சிலம்பரசன் நடிக்காமல் மிஸ் பண்ண ஒரு சூப்பர் ஹிட் படம் குறித்த தகவல் கிடைத்துள்ளது. 2018-யில் ரிலீஸான தமிழ் படம் ‘வடசென்னை’. இந்த படத்தை டாப் இயக்குநர்களில் ஒருவரான வெற்றிமாறன் இயக்கியிருந்தார். இதில் ஹீரோவாக தனுஷ் நடித்திருந்தார். ஆனால், இயக்குநர் வெற்றிமாறனின் முதல் சாய்ஸாக இருந்தது சிலம்பரசன் தானாம். பின், சில காரணங்களால் சிலம்பரசனால் இப்படத்தில் நடிக்க முடியாமல் போனதாம்.