தனுஷை வைத்து இயக்கும் புது படம்… மியூசிக்கல் அப்டேட் சொன்ன செல்வராகவன்!

தமிழ் சினிமாவில் முன்னணி நடிகர்களில் ஒருவராக வலம் வருபவர் தனுஷ். இப்போது தனுஷ் நடிப்பில் தமிழில் ‘ஜகமே தந்திரம், கர்ணன்’, இயக்குநர்கள் கார்த்திக் நரேன், செல்வராகவன், ராம் குமார், வெற்றி மாறன், மித்ரன்.ஆர்.ஜவஹர் படங்கள், ஹிந்தியில் ‘அட்ராங்கி ரே’ மற்றும் ஹாலிவுட்டில் ‘தி க்ரே மேன்’ என ஒன்பது படங்கள் லைன் அப்பில் இருக்கிறது.

இதில் செல்வராகவன் – தனுஷ் காம்போவில் தயாராகும் படத்துக்கான ப்ரீ-புரொடக்ஷன் பணிகள் ஜெட் ஸ்பீடில் நடைபெற்று வருகிறது. இந்நிலையில், இந்த படத்துக்கு டாப் இசையமைப்பாளர்களில் ஒருவரான யுவன் ஷங்கர் ராஜா இசையமைக்க ஒப்பந்தமாகி உள்ளதாக தகவல் கிடைத்துள்ளது.

இந்த தகவலை இப்படத்தின் இயக்குநர் செல்வராகவனே தனது அதிகாரப்பூர்வ ட்விட்டர் பக்கத்தில் ஸ்டேட்டஸாகத் தட்டி உறுதிபடுத்தியதுடன், இசையமைப்பாளர் யுவன் ஷங்கர் ராஜாவுடன் இணைந்து எடுத்துக் கொண்ட ஒரு புதிய ஸ்டில்லையும் வெளியிட்டுள்ளார். இன்னும் பெயரிடப்படாத இந்த படத்தை ‘வி கிரியேஷன்ஸ்’ கலைப்புலி.எஸ்.தாணு தயாரிக்க உள்ளாராம். 2021-ஆம் ஆண்டு இதன் ஷூட்டிங் ஆரம்பிக்கப்படுமாம்.

Extremely happy to join hands for 8th time with @thisisysr !! @dhanushkraja
Kalaippuli S Thanu @theVcreations pic.twitter.com/AKWbirnFGF

— selvaraghavan (@selvaraghavan) December 23, 2020