தமிழ் சினிமாவில் முன்னணி நடிகர்களில் ஒருவராக வலம் வருபவர் தனுஷ். இவர் நடிப்பில் ‘கேப்டன் மில்லர், தேரே இஷ்க் மெய்ன்’, இயக்குநர் சேகர் கம்முலா படம், சன் பிக்சர்ஸ் தயாரிக்கும் படம் என நான்கு படங்கள் லைன் அப்பில் இருக்கிறது.
இதில் ‘கேப்டன் மில்லர்’ படத்தை பாப்புலர் இயக்குநர்களில் ஒருவரான அருண் மாதேஸ்வரன் இயக்குகிறார். இதனை ‘சத்யஜோதி பிலிம்ஸ்’ நிறுவனம் தயாரிக்கிறது. இதில் ஷிவராஜ்குமார், பிரியங்கா மோகன், சந்தீப் கிஷன், நிவேதிதா சதீஷ், ஜான் கோக்கன் ஆகியோர் நடிக்கிறார்கள்.
இதற்கு ஜி.வி.பிரகாஷ் குமார் இசையமைத்து வருகிறார். சமீபத்தில், வெளியிடப்பட்ட டீசர் படத்தின் மீதான எதிர்பார்ப்பை எகிற வைத்தது. படத்தை வருகிற டிசம்பர் 15-ஆம் தேதி ரிலீஸ் செய்ய ப்ளான் போட்டுள்ளனர்.
கடந்த சில நாட்களுக்கு முன்பு ‘கேப்டன் மில்லர்’ படத்துக்கு பிறகு அருண் மாதேஸ்வரன் இயக்கப்போகும் புதிய படத்திலும் தனுஷே ஹீரோவாக நடிக்கப்போகிறார் என அதிகாரப்பூர்வ அறிவிப்பு வந்தது. இதனை தனுஷ் தனது ‘வுண்டர்பார் ஃபிலிம்ஸ்’ மூலம் தயாரிக்கவிருக்கிறாராம். தற்போது, இந்த படத்தின் பட்ஜெட் ரூ.150 கோடி என தகவல் கிடைத்துள்ளது.
Home