தனுஷ் பிறந்தநாள் ட்ரீட் – ஜகமே தந்திரம் அப்டேட்!

தமிழில் முன்னணி நடிகர்களில் ஒருவரான தனுஷ் வருகிற ஜூலை 28ம் தேதி தனது பிறந்தநாளை கொண்டாடவுள்ளார். இதையடுத்து அவர் நடித்து வெளிவரவிருக்கும் “ஜகமே தந்திரம்” திரைப்படத்தின் தயாரிப்பாளர் குழு, தனுஷ் பிறந்தநாளான்று ஜகமே தந்திரம் படத்தின் முதல் பாடல் வெளிவரும் என்ற செய்தியை இன்று டுவிட்டரில் வெளியிட்டுள்ளார்.

கார்த்திக் சுப்புராஜ் இயக்கத்தில் தனுஷ் நடிப்பில் வெளிவரவிருக்கும் திரைப்படம் “ஜகமே தந்திரம்”. இந்த திரைப்படத்தில் தனுஷ் ஒரு கேங்ஸ்டராக நடித்துள்ளாராம். மேலும் இந்த படத்தில் ஹாலிவுட் நடிகர் ஜேம்ஸ் காஸ்மோ நடித்துள்ளார்.இந்த படத்தில் ஐஸ்வர்யா லட்சுமி, சஞ்சன நடராஜன் ஆகியோர் நடித்துள்ளார்கள். சந்தோஷ் நாராயணன் இசையில் இந்த படத்தின் காட்சிகளை ஸ்ரேயாஸ் கிருஷ்ணா ஒளிப்பதிவு செய்துள்ளார்.

இந்த படத்தை வைய் நாட் ஸ்டூடியோஸ் தயாரித்துள்ளது. இந்த தயாரிப்பு நிறுவனம் இன்று தனுஷ் பிறந்தநாள் மாதத்தின் தொடக்கம் என்று அவரது ரசிகர்களுக்கு ட்ரீட் கொடுத்துள்ளார்கள். தனுஷ் நடித்து வெளிவரவிருக்கும் “ஜகமே தந்திரம்” திரைப்படத்தின் முதல் பாடல், தனுஷ் பிறந்த நாளான்று வெளியிடப்படும் என்ற செய்தியை இன்று அவர்கள் வெளியிட்டுள்ளார்கள்.

இந்த படத்தின் வெளியீடு லாக்டவுன் காரணமாக நிறுத்தி வைக்கப்பட்டிருந்த நிலையில், இந்த அப்டேட் அவரது ரசிகர்களுக்கு உற்சாகத்தை அளித்துள்ளது. மேலும் இந்தப் படத்தை கார்த்திக் சுப்புராஜ் ஜிகர்தண்டா, பேட்ட ஆகிய படங்களுக்கு அடுத்து இயக்கியிருப்பதால் இதற்கான எதிர்பார்ப்பும் அதிகரித்துள்ளது.

மேலும் இந்த படத்தில் ஜேம்ஸ் காஸ்னோ லண்டனில் இருக்கும் மிகப்பெரிய டானாக நடித்துள்ளாராம். இவர் தனுஷ் உடன் சேர்ந்தபின் நடப்பதே படத்தின் கதை என்று அவர் கூறியிருந்தார்.

இந்தப் படத்தின் முதல் பாடல் ரகிட.. ரகிட.. ரகிட ..ஜூலை 28-ஆம் தேதி வெளிவரும் என்ற செய்தி தற்போது வெளியாகியுள்ள நிலையில், படம் எப்போது வெளிவரும் என்ற ஆர்வம் அவரது ரசிகர்களிடையே அதிகரித்துள்ளது.

இந்த படத்தை தொடர்ந்து கார்த்திக் சுப்புராஜ் விக்ரமுடன் இணைந்து அடுத்த படத்தை இயக்கவுள்ளார். இந்தப் படத்தில் விக்ரமுடன் அவரது மகன் துருவ் விக்ரம் நடிக்கவுள்ளார் என்பது சிறப்பம்சம்.