“தனிப்பெரும் வெற்றி பெற்ற மு.க.ஸ்டாலின், மக்கள் பணிசெய்ய மக்களால் தேர்ந்தெடுக்கப்பட்ட உதயநிதி”… வாழ்த்து தெரிவித்த தனுஷ்!

தமிழ் சினிமாவில் முன்னணி நடிகர்களில் ஒருவராக வலம் வருபவர் தனுஷ். இப்போது தனுஷ் நடிப்பில் தமிழில் ‘ஜகமே தந்திரம், நானே வருவேன், ஆயிரத்தில் ஒருவன் 2’, இயக்குநர்கள் கார்த்திக் நரேன், ராம் குமார், வெற்றி மாறன், மித்ரன்.ஆர்.ஜவஹர், மாரி செல்வராஜ், பாலாஜி மோகன் படங்கள், ஹிந்தியில் ‘அட்ராங்கி ரே’ மற்றும் ஹாலிவுட்டில் ‘தி க்ரே மேன்’ என 11 படங்கள் லைன் அப்பில் இருக்கிறது.

தற்போது, தமிழக சட்டமன்ற தேர்தலில் வெற்றிபெற்றிருக்கும் திமுக தலைவர் மு.க.ஸ்டாலின் தொடர்பாக நடிகர் தனுஷ் ட்விட்டரில் “தனிப்பெரும் வெற்றி பெற்ற முதல்வர் திரு.மு.க.ஸ்டாலின் ஐயா அவர்களுக்கு வணக்கம். மக்கள் பணி சிறக்க எமது வாழ்த்துக்கள்” என்று கூறியுள்ளார்.

மேலும், நடிகரும், திமுக-வின் இளைஞரணி செயலாளருமான உதயநிதி ஸ்டாலின் இந்த தேர்தலில் சேப்பாக்கம் – திருவல்லிக்கேணி தொகுதியில் முதன்முறையாக போட்டியிட்டு 69,355 வாக்குகள் வித்தியாசத்தில் மாபெரும் வெற்றியை பெற்றார். உதயநிதி ஸ்டாலின் தொடர்பாக தனுஷ் ட்விட்டரில் “முதல் முறையாக மக்கள் பணிசெய்ய மக்களால் தேர்ந்தெடுக்கப்பட்டிருக்கும் நண்பர் திரு. உதயநிதி ஸ்டாலின் அவர்களுக்கு எமது இதயபூர்வமான வாழ்த்துக்கள்” என்று கூறியுள்ளார்.