நடிகர் தனுஷ் நடிப்பில் இந்த ஆண்டு வெளியான படங்கள் மாறன் திருச்சிற்றம்பலம் மற்றும் நானே வருவேன் . இந்த மூன்று படங்களில் திருச்சிற்றம்பலம் படம் பெரிய அளவில் வெற்றி பெற்றது . ரசிகர்களிடம் நல்ல வரவேற்பை பெற்றது . இதனை தொடர்ந்து தனுஷ் நடிப்பில் வெளியாக உள்ள படம் . இந்த படம் தமிழ் மற்றும் தெலுங்கு மொழியில் உருவாகி உள்ளது . அடுத்து ஆண்டு இந்த படம் திரைக்கு வரும் என்று எதிர்பார்க்கப்படுகிறது .
இந்நிலையில் தனுஷ் தற்போது நடித்து வரும் படம் கேப்டன் மில்லர் . ராக்கி , சாணி காகிதம் உள்ளிட்ட படங்களை இயக்கிய அருண் மாதேஸ்வரன் இயக்கி வருகிறார் . பிரியங்கா மோகன் இந்த படத்தில் நாயகியாக நடித்து வருகிறார் . ஜி.வி.பிரகாஷ் இந்த படத்திற்கு இசையமைத்து வருகிறார் . படத்தின் முதற்கட்ட படப்பிடிப்பு நடந்து முடிந்து உள்ளது . அடுத்த கட்டப் படப்பிடிப்பு டிசம்பர் இறுதியில் அல்லது அடுத்த ஆண்டு ஜனவரி மாதம் தொடங்கும் என்று எதிர்பார்க்கப்படுகிறது .
தற்போது கேப்டன் மில்லர் படத்திற்கு பிறகு நடிகர் தனுஷ் மீண்டும் தெலுங்கு படம் ஒன்றில் நடிக்க உள்ளார் .
தெலுங்கு இயக்குனரான சேகர் கம்முலா இயக்கத்தில் தனுஷ் நடிக்கும் புதிய படத்தின் பூஜை இன்று ஐதராபாத்தில் நடந்து முடிந்துள்ளது . தெலுங்கில் ‘டாலர் டிரீம்ஸ், ஆனந்த், கோதாவரி, ஹேப்பி டேஸ், லீடர், லைப் இஸ் பியூட்டிபுல், அனாமிகா, உள்ளிட்ட வித்தியாசமான படங்களை இயக்கிய சேகர் கம்முலா முதல் முறையாக நடிகர் தனுஷுடன் இணைவதால் படத்தின் மீதான எதிர்பார்ப்பு அதிகரித்துள்ளது .
