தமிழில் முன்னணி நடிகர்களில் ஒருவரான தனுஷ் நடிப்பில் கார்த்திக் சுப்புராஜ் இயக்கத்தில் அடுத்து வெளிவரவிருக்கும் திரைப்படம் “ஜகமே தந்திரம்”.
தற்போது ஜகமே தந்திரம் திரைப்படம் OTTயில் வெளியாகும் என்று சில தகவல்கள் வெளியாகி வந்தது. சூர்யாவின் சூரரைப்போற்று திரைப்படம் ஓடிடியில் வெளியாவதால் அடுத்தடுத்து பெரிய நட்சத்திரங்களின் திரைப்படங்கள் ஓடிடியில் வெளியாகும் என்ற எண்ணம் நிலவி வருகிறது.
ஜோதிகா நடிப்பில் “பொன்மகள் வந்தாள்”, கீர்த்தி சுரேஷ் நடிப்பில் “பெண்குயின்” போன்ற திரைப்படங்கள் ஓடிடியில் ஏற்கனவே வெளியாகியுள்ளன.
தயாரிப்பாளர்கள் திரையரங்குகள் மூடப்பட்டுள்ளதால் ஓடிடியில் படங்களை வெளியிடுவதற்கு ஆர்வம் காட்டுகிறார்கள். மேலும் திரையரங்குகளை விட ஒரு மடங்கு அதிக பணம் கொடுத்து ஓடிடி நிறுவனங்கள் படங்களை பெற்றுக்கொள்கிறதால் தயாரிப்பாளர்கள் மகிழ்ச்சியாக கொடுக்க சம்மதிக்கிறார்கள்.
தற்போது ஜகமே தந்திரம் படத்தின் தயாரிப்பாளர் தனது ட்விட்டர் பக்கத்தில் அறிக்கை ஒன்றை வெளியிட்டுள்ளார். இந்த அறிக்கையில் அவர் குறிப்பிட்டுள்ளதாவது ” ஜகமே தந்திரம் திரைப்படம் திரையரங்குகளில் வெளியிடப்படுவதற்காக காத்திருக்கிறது. அதுவரை யாரும் எந்த வதந்திகளையும் நம்ப வேண்டாம். அனைவரும் தனுஷ் அவர்களை பெரிய திரையில் காண்பதற்காக ஆவலுடன் காத்திருக்கிறார்கள்” என்று குறிப்பிட்டு ஜகமே தந்திரம் திரைப்படம் கண்டிப்பாக திரையரங்கில் மட்டுமே வெளியிடப்படும் என்பதை உறுதி செய்துள்ளார்.
ஒய்னாட் ஸ்டுடியோ தயாரிப்பில் கார்த்திக் சுப்புராஜ் இயக்கத்தில் தனுஷ் நடிப்பில் உருவாகியுள்ள ஜகமே தந்திரம் திரைப்படம் எப்போது வெளியாகும் என்று ரசிகர்கள் எதிர்பார்த்து காத்திருக்கிறார்கள்.
Home