தனுஷின் நீண்ட நாள் கனவு, தான் தன் பெற்றோர் மற்றும் மகன்களுடன் வசிக்கும் வகையில் வீடு கட்ட வேண்டும் என்பது. தற்போது அவரது வீடு கட்டி முடிக்கப்பட்டதால் அந்த கனவு தற்போது நிறைவேறியுள்ளது. சமீபத்தில், தனுஷ் மற்றும் அவரது பெற்றோரின் இல்லத்திருவிழாவின் புகைப்படங்களை இயக்குனரும் தனுஷின் ரசிகர் மன்ற தலைவருமான சுப்பிரமணியம் சிவா பகிர்ந்து இருந்தார் . தனுஷ் இந்த நிகழ்ச்சிக்காக நீல நிற பட்டு குர்தா மற்றும் வெள்ளை பைஜாமா அணிந்திருப்பதைக் காணலாம். அந்த வீட்டை அவர் தனது பெற்றோருக்கு பரிசாக அளித்ததாக கூறப்படுகிறது.
2021 இல், தனுஷும் அவரது முன்னாள் மனைவி ஐஸ்வர்யாவும் போயஸ் கார்டனில் உள்ள அவரது புதிய வீட்டிற்கு பூஜை செய்தனர். இதில் ரஜினிகாந்த் மற்றும் அவரது மனைவி லதாவும் கலந்து கொண்டனர். இருப்பினும், 2022 இல், இருவரும் திருமண வாழ்க்கையில் இருந்து பிரியும் முடிவை எடுத்தனர் .
இரண்டு ஆண்டுகளுக்குப் பிறகு, தனுஷின் புதிய வீடு இப்போது நிறைவடைந்துள்ளது. சமீபத்தில், தனுஷ், அவரது பெற்றோர் மற்றும் அவரது உடன்பிறந்தோர் கலந்து கொண்ட இல்ல விழா நடத்தப்பட்டது. சுப்ரமணியம் சிவா தனது முகநூல் பக்கத்தில், இல்லம் திறப்பு விழாவின் படங்களை பகிர்ந்து கொண்டார். புகைப்படங்களில், தனுஷ் தனது பெற்றோர் மற்றும் சிவாவுடன் போஸ் கொடுப்பதை காணலாம்.
Home