சினிமாவில் டாப் இயக்குநர்களில் ஒருவராக வலம் வருபவர் அட்லீ. இவர் இயக்குநராக அறிமுகமான முதல் படமே மிகப் பெரிய வெற்றி பெற்றது. அந்த படம் தான் ‘ராஜா ராணி’. அதன் வெற்றி தான் அடுத்ததாக விஜய்யை வைத்து ‘தெறி’ இயக்கும் சூப்பரான வாய்ப்பை அட்லீக்கு வழங்கியது.
‘தெறி’ ஹிட்டானதும் அட்லீக்கு அடித்தது ஜாக்பாட். அடுத்தடுத்து ‘மெர்சல், பிகில்’ என விஜய்யை வைத்து மாஸான இரண்டு படங்களை இயக்கும் வாய்ப்பு தான் அது. ‘பிகில்’ படத்துக்கு பிறகு அட்லீ இயக்கிய படம் ‘ஜவான்’. இந்த படத்தில் பாலிவுட் நடிகர் ஷாருக்கான் நடித்திருந்தார். கடந்த ஆண்டு (2023) ரிலீஸான இப்படம் சூப்பர் ஹிட்டானது.
இயக்குநர் அட்லீ 2014-ஆம் ஆண்டு நடிகை ப்ரியாவை திருமணம் செய்து கொண்டார். ப்ரியா ‘சிங்கம், நான் மகான் அல்ல, நடுநிசி நாய்கள்’ போன்ற படங்களில் நடித்திருந்தது குறிப்பிடத்தக்கது.
கடந்த ஆண்டு (2023) அட்லீ – ப்ரியா தம்பதியினருக்கு அழகான ஆண் குழந்தை (பெயர் : மீர்) பிறந்தது. தற்போது, தனது மகனின் முதல் பிறந்தநாளை முன்னிட்டு சில ஸ்டில்ஸை அட்லீ இன்ஸ்டாகிராமில் வெளியிட்டுள்ளார்.
