தமிழ் சினிமாவில் பாப்புலர் இயக்குநர்களில் ஒருவராக வலம் வருபவர் பாலா. இவர் இயக்கிய முதல் படமே ரசிகர்களிடையே மிகப் பெரிய வரவேற்பை பெற்று மெகா ஹிட்டானது. அது தான் ‘சேது’. இதில் ஹீரோவாக நடித்து ரசிகர்களிடம் அப்ளாஸ் வாங்கியவர் விக்ரம். ‘சேது’ படத்தின் ஹிட்டிற்கு பிறகு ‘நந்தா, பிதாமகன், நான் கடவுள், அவன் இவன், பரதேசி, தாரை தப்பட்டை, நாச்சியார்’ ஆகிய படங்களை இயக்கினார் பாலா.
சமீபத்தில், இவர் இயக்கிய ‘வர்மா’ திரைப்படம் OTT-யில் ரிலீஸானது. தற்போது, பாலா தனது புதிய படத்துக்கான ஸ்க்ரிப்ட் வொர்க்கில் பிஸியாக பணியாற்றி வருகிறார். இந்நிலையில், இயக்குநர் பாலா சமூக வலைத்தளமான ட்விட்டரில் என்ட்ரியாகியுள்ளதாக தகவல் கிடைத்துள்ளது. இதனால் இயக்குநர் பாலாவின் ரசிகர்கள் குஷியாகியுள்ளனர்.
பாலாவின் முதல் ட்வீட்டில் “மாண்புமிகு முதல்வர் மு.க.ஸ்டாலின் அவர்களுக்கு,
‘தேவையற்ற வாழ்ததுரைகள் தெரிவிப்பதைத் தவிருங்கள்’ என்று கேட்டுக்கொண்டீர்கள். ஆனாலும் இதைத் தவிர்க்க முடியவில்லை. தங்களின் ஆற்றல், செயல் மற்றும் பண்பான நடவடிக்கைகள் அனைத்தும் மனித நாகரிகத்தின் உச்சம்.
நன்றிகள்.
வானோக்கி வாழும் உலகெல்லாம் மன்னவன்
கோனோக்கி வாழுங் குடி. (குறள்)” என்று கூறியுள்ளார்.
— Director Bala (@IyakkunarBala) May 9, 2021
Home