சினிமாவில் டாப் இயக்குநர்களில் ஒருவராக வலம் வருபவர் ஷங்கர். இவர் இயக்கத்தில் ரெடியாகி வரும் புதிய படமான ‘இந்தியன் 2’வில் ‘உலக நாயகன்’ கமல் ஹாசன் நடித்து வருகிறார். இதன் ஷூட்டிங் பரபரப்பாக நடைபெற்று வருகிறது.
‘இந்தியன் 2’ மட்டுமில்லாமல் இயக்குநர் ஷங்கர் தெலுங்கு மொழியில் ஒரு படமும், ஹிந்தி மொழியில் ஒரு படமும் இயக்க சமீபத்தில் ஒப்பந்தமானார். இதில் தெலுங்கு மொழியில் உருவாகும் படத்தில் ‘மெகா பவர் ஸ்டார்’ ராம் சரண் நடிக்கிறார்.
ஹிந்தி மொழியில் உருவாகவிருக்கும் படத்தில் ரன்வீர் சிங் நடிக்க உள்ளாராம். முதலில் இந்த படம் நடிகர் விக்ரம் – இயக்குநர் ஷங்கர் காம்போவில் வெளியாகி தமிழில் ஹிட்டான ‘அந்நியன்’ படத்தின் ரீமேக் என்று தான் அறிவிக்கப்பட்டது.
தற்போது, ஷங்கர் – ரன்வீர் சிங் கைகோர்க்கும் படம் சு.வெங்கடேசன் எழுதிய ‘வேள்பாரி’ என்ற நாவலை மையமாக வைத்து உருவாக உள்ளதாக தகவல் கிடைத்துள்ளது. இப்படத்தின் பட்ஜெட் ரூ.1000 கோடியாம். இந்த படத்தை மூன்று பாகங்களாக எடுக்கவும், இதன் ஷூட்டிங்கை அடுத்த ஆண்டு (2023) ஆரம்பிக்கவும் ஷங்கர் ப்ளான் போட்டுள்ளாராம்.
