தமிழ் சினிமாவில் முன்னணி தயாரிப்பு நிறுவனமாக இருக்கிறது லைக்கா நிறுவனம் . லைக்கா நிறுவனம் சமீபத்தில் தயாரித்த டான் , பொன்னியின் செல்வன் போன்ற படங்கள் பெரிய அளவில் வெற்றி பெற்று உள்ளது. நடிகர் அஜித்தை வைத்து விக்னேஷ் சிவன் இயக்கும் படத்தை லைக்கா நிறுவனம் தயாரிக்க உள்ளது மேலும் சூப்பர் ஸ்டார் ரஜினிகாந்த் அவர்களையும் வைத்து ஒரு படம் தயாரிக்க உள்ளது .
இந்நிலையில் சில நாட்களுக்கு முன் லைக்கா நிறுவனம் தற்போது புதிய படம் ஒன்றின் அறிவிப்பை வெளியிட்டு இருந்தது . சூப்பர்ஸ்டார் ரஜினியின் மகள் ஐஸ்வர்யா ரஜினிகாந்த் இயக்கும் அந்த படத்தில் நடிகர் விஷ்ணு விஷால் மற்றும் விக்ராந்த் நாயகனாக நடிக்க உள்ளனர் . இசைப்புயல் ஏ.ஆர் .ரகுமான் இந்த படத்திற்கு இசையமைக்க உள்ளார் . மேலும் சூப்பர் ஸ்டார் ரஜினிகாந்த் இந்த படத்தில் சிறப்பு தோற்றத்தில் நடிக்க உள்ளார் என்ற தயாரிப்பு நிறுவனம் அறிவித்துள்ளது .
இந்நிலையில் ஏ.ஆர் .ரகுமான் இயக்குனர் ஐஸ்வர்யா ரஜினியுடன் இணைந்து லால் சலாம் படத்திற்கான இசை பணிகளை செய்து வருகின்றனர். இதை இன்ஸ்டாவில் பகிர்ந்து உள்ள ஏ.ஆர் .ரகுமான் மும்பையில் #லால்சலாமிற்கு மிகவும் நம்பிக்கைக்குரிய பெண் இயக்குனர் ஐஸ்வர்யாரஜினியுடன் ஜாமிங் என்று பதிவிட்டுள்ளார் . தற்போது இந்த பதிவு வைரலாகி வருகிறது .
