நடிகர் சிவகார்த்திகேயன் நடிப்பில் விரைவில் வெளிவரவிருக்கும் திரைப்படம் “டாக்டர்”. இந்த படத்தை நடிகர் சிவகார்த்திகேயனே தயாரித்துள்ளார். “கோலமாவு கோகிலா” படத்தின் இயக்குனர் நெல்சன் திலீப்குமார் இந்த படத்தை இயக்கியுள்ளார்.
இந்த படம் மட்டுமின்றி தற்போது சிவகார்த்திகேயன் “அயலான்” படத்திலும் நடித்து வருகிறார். சமீபத்தில் கலையரசு தனது இன்ஸ்டாகிராம் பக்கத்தில் “டாக்டர்” படத்தின் வேலைகள் தொடங்கி விட்டது என்று பதிவிட்டிருந்தார்.
டாக்டர் திரைப்படத்தில் நடிகர் சிவகார்த்திகேயனுடன் பிரியங்கா மோகன் ஜோடியாக நடிக்கிறார். இந்த படத்தில் நடிகர் வினை வில்லனாக நடிக்கிறார். மேலும் இந்த படத்தில் யோகி பாபு நகைச்சுவை கதாபாத்திரத்தில் நடிக்கிறார்.
ஏற்கனவே முடிவடைய போகும் டாக்டர் படத்தின் ஷூட்டிஙை அடுத்து சிவகார்த்திகேயன் ரவிக்குமார் இயக்கத்தில் அயலான் படத்தின் மீதமுள்ள படப்பிடிப்பில் கலந்துகொள்ள உள்ளாராம்.
மீதம் இரண்டு வாரங்கள் மட்டுமே டாக்டர் படத்தின் ஷூட்டிங் நடக்கும் என்றும் இதனால் அக்டோபர் மாதத்திற்குள் இந்த படத்தின் வேலைகள் முழுவதும் முடிந்தால் வருகிற தீபாவளியன்று சிவகார்த்திகேயனின் டாக்டர் திரைப்படம் வெளியாக வாய்ப்புள்ளதாக தற்போது தகவல் வந்துள்ளது.
ஏற்கனவே வெளியான இந்தப்படத்தின் செல்லம்மா மற்றும் நெஞ்சமே பாடலுக்கு நல்ல வரவேற்புள்ள நிலையில் டாக்டர் திரைப்படம் வெளியாகவுள்ள தகவல் அவரது ரசிகர்களிடையே தற்போது உற்சாகத்தை ஏற்படுத்தியுள்ளது.
