Sita Ramam : ரீ-ரிலீஸாகும் துல்கர் சல்மான், மிருணாள் தாகூர் நடித்த ‘சீதா ராமம்’… கொண்டாட்டத்தில் ரசிகர்கள்!

சினிமாவில் பாப்புலர் ஹீரோக்களில் ஒருவராக வலம் வருபவர் துல்கர் சல்மான். இவர் நடிப்பில் 2022-ஆம் ஆண்டு தெலுங்கு, தமிழ், மலையாளம், ஹிந்தி ஆகிய மொழிகளில் வெளியான படம் ‘சீதா ராமம்’.

இந்த படத்தை பாப்புலர் இயக்குநர்களில் ஒருவரான ஹனு ராகவபுடி இயக்கியிருந்தார். இதில் ஹீரோயினாக மிருணாள் தாகூர் நடித்திருந்தார். மேலும், மிக முக்கிய ரோல்களில் ராஷ்மிகா மந்தனா, சுமந்த், தருண் பாஸ்கர், பூமிகா, வெண்ணிலா கிஷோர், முரளி ஷர்மா மற்றும் பலர் நடித்திருந்தனர்.

இதற்கு பாப்புலர் இசையமைப்பாளர்களில் ஒருவரான விஷால் சந்திரசேகர் இசையமைத்திருந்தார், பி.எஸ்.வினோத் – ஸ்ரேயாஸ் கிருஷ்ணா ஒளிப்பதிவு செய்திருந்தனர், கோத்தகிரி வெங்கடேஸ்வர ராவ் படத்தொகுப்பாளராக பணியாற்றியிருந்தார்.

இப்படம் ரசிகர்களிடம் நல்ல வரவேற்பை பெற்று சூப்பர் ஹிட்டானது. தற்போது, இந்த படத்தை நாளை (பிப்ரவரி 14-ஆம் தேதி) காதலர் தின ஸ்பெஷலாக ரீ-ரிலீஸ் செய்யத் திட்டமிட்டுள்ளதாக தகவல் கிடைத்துள்ளது.