‘எருமை சாணி’ யூடியூப் சேனல் புகழ் விஜய் குமார் ராஜேந்திரன் ஹிப் ஹாப் தமிழா ஆதியின் ‘மீசைய முறுக்கு, நட்பே துணை, நான் சிரித்தால்’, அதர்வாவின் ‘100’, அருள்நிதியின் ‘K-13’ போன்ற படங்களில் நடித்து ரசிகர்களிடம் அப்ளாஸ் வாங்கியிருக்கிறார்.
கடந்த ஆண்டு (2022) வெளியான ‘D ப்ளாக்’ என்ற படத்தை விஜய் குமார் ராஜேந்திரனே இயக்கி, நடித்திருந்தார். இதில் ஹீரோவாக அருள்நிதி நடித்திருந்தார். மேலும், மிக முக்கிய ரோல்களில் அவந்திகா, இயக்குநர் கரு.பழனியப்பன், சரண்தீப், தலைவாசல் விஜய், ரமேஷ் கண்ணா, உமா ரியாஸ், ஆதித்யா கதிர் ஆகியோர் நடித்திருந்தனர்.
தற்போது, விஜய் குமார் தனது நீண்ட நாள் காதலி நக்ஷத்ரா மூர்த்தியை இன்று திருமணம் செய்து கொண்டதாக தகவல் கிடைத்துள்ளது. இவர்களின் திருமண புகைப்படங்கள் மற்றும் வீடியோஸ் சமூக வலைத்தளங்களில் வைரலாகி வருகிறது.
