நடிகர் சூர்யா நடிப்பில் கடந்த 2020-ஆம் ஆண்டு வெளியான படம் சூரைப்போற்று . இந்த படத்தை இயக்கியவர் சுதா கொங்கரா . அபர்ணா பாலமுரளி இந்த படத்தில் சூர்யாவுக்கு ஜோடியாக நடித்து இருந்தார். ஜி.வி.பிரகாஷ் இந்த படத்திற்கு இசையமைத்து இருந்தார் . மிக பெரிய வரவேற்பை இந்த படம் சூர்யாவுக்கு பெற்று தந்தது . மோகன் பாபு இந்த படத்தில் முக்கியமான கதாபாத்திரத்தில் நடித்து இருந்தார். இந்த படத்தை சூர்யாவின் 2டி என்டேர்டைன்மென்ட் நிறுவனம் தயாரித்தது . இந்த படத்திற்கு கிடைத்த வரவேற்பை தொடர்ந்து படத்தை ஹிந்தியில் ரீமேக் செய்யப் போகிறார்கள் என்ற தகவல் வெளியானது .
இந்த நிலையில் சூரரைப்போற்று படத்தின் ரீமேக்கை நடிகர் சூர்யா மற்றும் விக்ரம் மல்ஹோத்ரா ஆகியோர் இணைந்து தயாரித்து வருகின்றனர் . சூர்யா நடித்த மாறன் கதாபாத்திரத்தில் அக்ஷய் குமார் நடித்து வருகிறார் . நடிகை அபர்ணா பாலமுரளி நடித்த கதாபாத்திரத்தில் ராதிகா மதன் நடித்து வருகிறார் .இந்த படத்திற்கும் ஜி.வி.பிரகாஷ் தான் இசையமைக்கிறார் . மேலும் இந்த படத்திற்கு புதிதாக பின்னணி இசையும் பாடலும் தயாராகி கொண்டு இருப்பதாக ஜி.வி.பிரகாஷ் தெரிவித்துள்ளார் . மேலும் இந்த படத்தில் நடிகர் சூர்யா சிறப்பு தோற்றத்தில் நடித்துள்ளார் . இந்த படத்தின் படப்பிடிப்பு தொடர்ந்து நடந்து வருகிறது .இந்நிலையில் சமீபத்தில் விருது நிகழ்ச்சி ஒன்றில் சுதா கொங்கரா அவர்கள் கலந்துக்கொண்டார் .அந்த விருது நிகழ்ச்சியில் இந்தியாவின் முன்னாள் குடியரசுத் தலைவர் ஏ. பி. ஜே. அப்துல் கலாம் அவர்களின் வாழ்க்கையை திரைப்படமாக எடுத்தால் அதில் யாரை அப்துல் கலாமாக நடிக்க வைப்பீர்கள் என்ற கேள்வி கேட்கப்பட்டது .அதற்கு பதில் அளித்த சுதா கொங்கரா நடிகர் சூர்யாவை அப்துல் கலாம் வேடத்தில் நடிக்க வைப்பேன் என்று கூறியுள்ளார்.
இதனை தொடர்ந்து நடிகர் சூர்யா ரசிகர் ஒருவர் அப்துல் கலாம் வேடத்தில் நடிகர் சூர்யா இருக்கும் போஸ்டர் ஒன்றை உருவாக்கி உள்ளார் . தற்போது இந்த போஸ்டர் ட்ரெண்ட் ஆகி வருகிறது . மேலும் நடிகர் சூர்யாவுக்கு எந்த கெட்டப் போட்டாலும் பொருத்தமாக உள்ளது என்று ரசிகர்கள் கமெண்ட் செய்து வருகின்றனர் .
