தெலுங்கு சினிமாவின் இளம் நடிகை ராஷ்மிகா, தான் முதன் முதலில் திரையரங்கில் பார்த்த திரைப்படம் குறித்து ரசிகர்களிடையே உரையாடியது வைரலாகி வருகிறது.
கன்னடத் திரையுலகில் ‘கிரிக் பார்ட்டி’ படத்தின் மூலமாக அறிமுகமானவர் ராஷ்மிகா மந்தன்னா. பின்னர் ‘கீதா கோவிந்தம்’ படத்தில் விஜய் தேவரகொண்டாவுடன் இணைந்து நடித்ததன் மூலம் தெலுங்கு மட்டுமல்லாது தமிழ் ரசிகர்களையும் கவர்ந்தார். சமீபத்தில் மகேஷ் பாபுவுடன் ‘சரிலேரு நீக்கேவரு’ படத்தில் நடித்திருந்தார்.
அல்லு அர்ஜூன் நடிப்பில் இந்திய பன்மொழி திரைப்படமாக உருவாகி வரும் ‘புஷ்பா’ படத்தில் நடித்து வருகிறார். இவர் தமிழில் கார்த்தி நடிப்பில் உருவாகி வரும் ‘சுல்தான்’ படத்திலும் நடித்து வருகிறார்.தற்போது ஊரடங்கால் வீட்டில் இருக்கும் ராஷ்மிகா சமூக வலைதளங்கள் மூலம் ரசிகர்களிடையே உரையாடிவருகிறார்.
அப்போது ரசிகர் ஒருவர் நீங்கள் தியேட்டரில் பார்த்த முதல் திரைப்படம் எது என கேட்டுள்ளார். அதற்கு, விஜய் நடிப்பில் வெளியான ‘கில்லி’ படத்திற்கு எனது தந்தை என்னை அழைத்து சென்றது நன்கு ஞாபம் இருக்கிறது. முன்பெல்லாம் அவர் அதிகம் சினிமா பார்ப்பவராக இருந்தார். நான் நடிகையான பிறகு அவர் அப்படிப் பார்ப்பதில்லை” என்று பதிலளித்தார்.
விஜய்யின் தீவிர ரசிகையான ராஷ்மிகா, விஜய் நடித்த கில்லி படத்தைப் பார்த்ததாக கூறியதற்கு விஜய் ரசிகர்கள் பெருமகிழ்ச்சியடைந்துள்ளனர். சீக்கிரம் தளபதியுடன் இணைந்து நடியுங்கள் அந்த காம்போவை பார்க்க ஆசைப்படுகிறோம் என விஜய் ரசிகர்கள் கருத்து தெரிவித்து வருகின்றனர்.
