முன்னணி நடிகர்களில் ஒருவரான சூர்யா நடித்து, தயாரித்துள்ள புதிய படம் ‘சூரரைப் போற்று’. ‘ஏர் டெக்கான்’ விமான நிறுவனர் ஜி.ஆர்.கோபிநாத்தின் வாழ்க்கையை மையமாக வைத்து கதைக்களம் அமைக்கப்பட்டுள்ள இப்படத்தை பெண் இயக்குநர் சுதா கொங்கரா இயக்கியுள்ளார்.
இதில் சூர்யா ‘நெடுமாறன் ராஜாங்கம்’ என்ற கேரக்டரில் வலம் வரவுள்ளார். அவருக்கு ஜோடியாக அபர்ணா பாலமுரளி நடித்துள்ளாராம். மேலும், டோலிவுட் நடிகர் மோகன் பாபு, பாலிவுட் நடிகர்கள் பரேஷ் ராவல் – ஜாக்கி ஷெராஃப் ஆகியோர் மிக முக்கிய ரோல்களில் நடித்திருக்கிறார்கள். இந்த படத்துக்கு ஜி.வி.பிரகாஷ் குமார் இசையமைத்துள்ளார், நிகேத் பொம்மி ஒளிப்பதிவு செய்திருக்கிறார், ஜாக்கி கலை இயக்குநராகவும், சதீஷ் சூர்யா படத்தொகுப்பாளராகவும் பணியாற்றியுள்ளனர்.
இதற்கு ‘உறியடி’ புகழ் விஜய் குமார் வசனம் எழுதியுள்ளார். இப்படம் வருகிற அக்டோபர் 30-ஆம் தேதி ‘அமேசான் ப்ரைம்’-யில் ரிலீஸாகப்போகிறது. ஏற்கனவே, ரிலீஸ் செய்யப்பட்ட படத்தின் நான்கு பாடல்களும் (மாறா தீம், வெய்யோன் சில்லி, மண்ணுருண்ட, காட்டுப் பயலே) சூர்யா ரசிகர்களின் ப்ளேலிஸ்டில் இடம்பெற்றது. தற்போது, படத்தில் இன்னும் மூன்று சூப்பரான பாடல்கள் இருப்பதாகவும், வெகு விரைவில் இதன் ரிலீஸ் தொடர்பாக தயாரிப்பு நிறுவனம் அறிவிக்கும் என்றும் தகவல் கிடைத்துள்ளது. இதை இசையமைப்பாளர் ஜி.வி.பிரகாஷ் குமாரே தனது ட்விட்டர் பக்கத்தில் ஸ்டேட்டஸாகத் தட்டி உறுதிபடுத்தியுள்ளார்.
3 amazing songs left in #sooraraipottru to release … updates from production soon … @Suriya_offl @rajsekarpandian #SudhaKongara
— G.V.Prakash Kumar (@gvprakash) September 5, 2020
