இன்று பிறந்தநாளை கொண்டாடும் ஜி.வி.பிராகாஷ் குமார்

பிரபல இசையமைப்பாளர் ஜி.வி.பிராகாஷ் குமார் இன்று தன் பிறந்தநாளை கொண்டாடுகிறார். அவரது ரசிகர்கள் டிவிட்டரில் வாழ்த்துக்கள் கூறி வருகின்றனர்.

தமிழ் திரைப்படவுலகின் முன்னணி இசையமைப்பாளரான ஜி.வி.பிராகாஷ் குமார் “வெயில்”
திரைப்படத்தில் அறிமுகமாகி , பல முன்னணி நட்சத்திரங்களின் படங்களுக்கு இசையமைத்து ரசிகர்களிடையே பெரும் வரவேற்பை பெற்றுள்ளார்.

இவர் குறுகிய காலகட்டத்தில் 50திற்கும் மேற்பட்ட படங்களில் இசையமைத்தது மட்டுமின்றி
நான் ராஜாவாக போகிறேன்,
டார்லிங், பென்சில், த்ரிஷா இல்லேன்னா நயன்தாரா போன்ற படங்களின் மூலம் நடிகராகவும் ரசிகர்களிடையே நல்ல வரவேற்பை பெற்றார்.

இவர் இசையமைப்பில் கடைசியாக வெளி வந்த திரைப்படம்’ அசுரன்’ .இதை தொடர்ந்து இவர் இந்த வருடம் சுதாகொங்கரா இயக்கத்தில் வெளிவரவிருக்கும் “சூரரைப்போற்று” திரைப்படத்திலும், ஏ.எல் .விஜய் இயக்கத்தில் வெளிவரவிருக்கும் “தலைவி “திரைப்படத்திலும் இசையமைத்துள்ளார்.

அவர் தற்போது வெயில் பட இயக்குனர் வசந்தபாலன் உடன் கைகோர்த்து ஒரு படத்துக்கு இசையமைத்து வருவதாகவும், தனுஷ் நடிக்கவிருக்கும் ‘டி43’ படத்திற்கு இசையமைத்து வருவதாகவும் செய்திகள் தற்போது வெளியாகியுள்ளன.

இந்த பிரபல இசையமைப்பாளர் இன்று தனது 34 ஆவது பிறந்தநாளை கொண்டாடுகிறார்.