2013ஆம் ஆண்டு வெளியான “பட்டம் போலே” என்ற மலையாள படத்தின் மூலம் திரையுலகிற்கு அறிமுகமாகி தற்போது பிரபல நடிகையாக திகழ்பவர் நடிகை மாளவிகா மோகனன். இவர் இன்று தனது பிறந்தநாளை கொண்டாடுகிறார்.
தொடர்ந்து மலையாளம், தெலுங்கு, இந்தி, கன்னடம், தமிழ் ஆகிய மொழிகளில் நடித்து வரும் மாளவிகா மோகன், 2019 ஆம் வருடம் கார்த்திக் சுப்புராஜ் இயக்கத்தில் சூப்பர் ஸ்டார் ரஜினிகாந்த் நடிப்பில் வெளியான “பேட்ட” படத்தில் ஒரு முக்கிய கதாபாத்திரத்தில் நடித்திருந்தார்.
பிரபல ஒளிப்பதிவாளர் கே.யு.மோகனனின் மகளான இவர் சூப்பர் ஸ்டார் படத்தில் தமிழில் அறிமுகமாகி தற்போது விஜய் நடிப்பில் லோகேஷ் கனகராஜ் இயக்கத்தில் உருவாகியிருக்கும் “மாஸ்டர்” திரைப்படத்தில் நடித்துள்ளார்.
இந்தப் படம் இன்னும் வெளியாகவில்லை என்றாலும் இந்த படத்தில் விஜய்யுடன் நடித்ததால் இவருக்கு ரசிகர் கூட்டம் ஏற்கனவே சேர்ந்துவிட்டது. தற்போது இவர் பிறந்தநாளையொட்டி “மாஸ்டர்” திரைப்பட குழு மாஸ்டர் திரைப்படத்தின் போஸ்டர் ஒன்றை வெளியிட்டுள்ளது. இந்த போஸ்டரில் நடிகர் விஜய்யுடன் மாளவிகா மோகனன் இருப்பது போன்று காட்சி அமைந்துள்ளது.
தளபதி விஜய் ரசிகர்கள் இந்த போஸ்டரை தற்போது வைரலாக்கி வருகிறார்கள். இதை வெளியிட்டு இந்த படத்தின் இயக்குனர் லோகேஷ் கனகராஜ் “பிறந்தநாள் வாழ்த்துக்கள் மாளவிகா மோகனன். மாஸ்டர் படக் குழுவிடமிருந்து வாழ்த்துக்கள்” என்று குறிப்பிட்டுள்ளார்.
இதற்கு சில மணி நேரத்திற்கு முன் லோகேஷ் கனகராஜ் மாளவிகா மோகனன் பிறந்தநாள் காமன் டிபியை வெளியிட்டுள்ளார். இந்த காமன் டிபியை மாளவிகா மோகனன் ரசிகர்கள் உருவாக்கியுள்ளார்கள். இதில் மாளவிகா மோகனன் ஏஞ்சல் போல் நிற்கும் புகைப்படம் வைத்து உருவாக்கியுள்ளார்கள். அதுமட்டுமின்றி அவரது ரசிகர்கள், சினிமா பிரபலங்கள், நண்பர்கள் என அனைவரும் இவருக்கு சமூக வலைத்தளங்களில் தங்களது வாழ்த்துக்களை பதிவிட்டு வருகிறார்கள்.
Home