‘ஹிப் ஹாப் தமிழா’ ஆதி டபுள் ஆக்ஷனில் நடித்துள்ள ‘அன்பறிவு’… வெளியானது சூப்பரான ட்ரெய்லர்!

நடிகர், இசையமைப்பாளர், இயக்குநர், பாடலாசிரியர் என பன்முகம் கொண்டவர் ‘ஹிப் ஹாப் தமிழா’ ஆதி. இவர் நடிப்பில் ‘அன்பறிவு’ மற்றும் இயக்குநர் ARK சரவன் படம் என இரண்டு படங்கள் லைன் அப்பில் இருக்கிறது. இதில் ‘அன்பறிவு’ படத்தின் ட்ரெய்லர் ரிலீஸுக்காக ‘ஹிப் ஹாப் தமிழா’ ஆதியின் ரசிகர்கள் பல நாட்களாக வெயிட் பண்ணிக் கொண்டிருந்தார்கள்.

இந்நிலையில், இன்று (டிசம்பர் 18-ஆம் தேதி) இதன் ட்ரெய்லரை ‘ஹிப் ஹாப் தமிழா’ ஆதி தனது ட்விட்டர் பக்கத்தில் ரிலீஸ் செய்துள்ளார். இந்த ட்ரெய்லர் ரசிகர்களிடம் நல்ல வரவேற்பை பெற்று வருகிறது. அதுமட்டுமின்றி, படத்தின் மீதான எக்ஸ்பெக்டேஷன் லெவலையும் எகிற வைத்துள்ளது.

படத்தை வருகிற ஜனவரி 7-ஆம் தேதி பொங்கல் ஸ்பெஷலாக பிரபல OTT தளமான ‘டிஸ்னி ப்ளஸ் ஹாட்ஸ்டார்’-யில் ரிலீஸ் செய்ய ப்ளான் போட்டுள்ளனர். அறிமுக இயக்குநர் அஷ்வின் ராம் இயக்கியுள்ள இந்த படத்தில் ஆதி டபுள் ஆக்ஷனில் நடித்துள்ளாராம். மேலும், மிக முக்கிய ரோல்களில் விதார்த், நெப்போலியன், காஷ்மீரா பர்தேஷி, சாய் குமார், ஆஷா சரத் மற்றும் பலர் நடித்துள்ளனர்.