வாரணம் ஆயிரம் 2 வருமா?

நடிகர் சிம்பு நடிப்பில் கடைசியாக வெளியான படம் மாநாடு. நீண்ட வருடம் கழித்து இந்த படம் சிம்புவிற்கு வெற்றியை தந்த படமாக திகழ்கின்றது. இந்த படத்தின் வெற்றிக்கு பிறகு தமிழ் சினிமாவில் நடிகர் சிம்புவுக்கு நிறைய படங்களில் நடிக்கும் வாய்ப்புகள் குவிந்தன.அந்த வகையில் சிம்பு தற்பொழுது
கவுதம் வாசுதேவ் மேனன் இயக்கத்தில் வெந்து தணிந்தது காடு என்கிற படத்தில் நடித்து முடித்தார்.

‘விண்ணைத்தாண்டி வருவாயா’, ‘அச்சம் என்பது மடமையடா’ படங்களுக்குப் பிறகு சிம்பு – கௌதம் மேனன் கூட்டணி ‘வெந்து தணிந்தது காடு’ படத்தில் மூன்றாவது முறையாக இணைந்துள்ளனர். எனவே இந்த படத்தின் மீது ரசிகர்களுக்கு நல்ல எதிர்பார்ப்பு எழுந்துள்ளது .

படத்தின் ஆடியோ லான்ச் செப்டம்பர் மாதம் 2-ஆம் தேதி சென்னையில் நடந்து முடிந்தது. படம் இன்று வெளியாகி நல்ல வரவேற்பை பெற்று வருகிறது.

சமீபத்தில் நிகழ்ச்சி ஒன்றில் ரசிகர்களிடம் கௌதம் வாசுதேவ் மேனன் வெந்து தணிந்தது காடு படத்தை பற்றியும் மேலும் அவர் இயக்கிய பல படங்களை பற்றி பேசினார். அப்போது ரசிகை ஒருவர் வாரணம் ஆயிரம் பாகம் இரண்டு எப்பொழுது வரும் என்று கேட்டார் அதற்கு வாரணம் ஆயிரம் பாகம் 2 பற்றி நான் யோசிக்கவில்லை சூர்யாவுடன் ஒரு படம் பண்ண வேண்டும் என்ற ஆசை இருக்கிறது மேலும் காக்க காக்க பாகம் 2 படத்தை எடுக்கலாம் என்று தெரிவித்துள்ளார்.