நடிகர் , தயாரிப்பாளர் , அரசியல்வாதி என தன்னை பல துறைகளில் ஈடுபடுத்திக் கொண்டவர் உதயநிதி ஸ்டாலின் . 2008 ஆம் ஆண்டு முதன் முதலாக ரெட் ஜெயிண்ட் என்கிற தயாரிப்பு நிறுவனத்தை தொடங்கினர். அந்த மூலம் குருவி , ஆதவன், மன்மதன் அம்பு , 7ஆம் அறிவு உள்ளிட்ட படங்களை தயாரித்தார் .
அதன் பிறகு 2012-ஆம் வெளியான ஒரு கல் ஒரு கண்ணாடி என்கிற படம் தமிழ் சினிமாவில் கதாநாயகனாக அறிமுகமானார் . இந்த படத்தில் சந்தானத்துடன் இவர் இணைந்து செய்த நகைச்சுவை காட்சிகள் அனைத்தும் ரசிகர்களிடம் நல்ல வரவேற்பை பெற்றது . அதன் பிறகு இது கதிர்வேலன் காதல் , நண்பேன்டா ஆகிய படங்களில் நடித்து இருந்தார் .ஆனால் அந்த படங்கள் பெரிதாக வெற்றி பெறவில்லை . மனிதன் மற்றும் சைக்கோ ஆகிய இரண்டு படங்கள் நல்ல வரவேற்பை பெற்றன .
சில மாதங்களுக்கு முன் இவர் நடிப்பில் வெளியான நெஞ்சுக்கு நீதி படம் ரசிகர்களிடம் நல்ல வரவேற்பை பெற்றது . இந்நிலையில் மகிழ் திருமேனி இயக்கத்தில் உதயநிதி நடித்துள்ள படம் கலக தலைவன் . இந்த படம் வருகின்ற 18 -ஆம் தேதி திரைக்கு வருகிறது . இந்நிலையில் இந்த படம் தூத்துக்குடி ஸ்டெர்லைட் போராட்டத்தை மையமாக வைத்து எடுத்துள்ளதாக தகவல் வெளியாகி உள்ளது . இதனால் படத்தின் மீதான எதிர்பார்ப்பு ரசிகர்கள் மத்தியில் எழுந்து உள்ளது .
