நடிகர் கமல்ஹாசன் அவரது தயாரிப்பு நிறுவனமான ராஜ் கமல் பிலிம்ஸ் நிறுவனம் சார்பாக படங்களை தயாரித்து வருகிறார். அந்த வகையில் அவர் நடித்துள்ள விக்ரம் படத்தையும் அவரே தயாரித்துள்ளார்.இந்த படத்தை லோகேஷ் கனகராஜ் இயக்கி வருகிறார். விஜய் சேதுபதி , ஃபகத் பாசில் மற்றும் பலர் நடித்துள்ளனர்.இந்தப்படம் வருகின்ற ஜூன் மாதம் 3ஆம் தேதி வெளியாகிறது.
இதனை தொடர்ந்து நடிகர் சிவகார்த்திகேயனை வைத்து ஒரு படம் ஒன்றை தயாரிப்பதாக தகவல் வெளியானது. இந்நிலையில் நடிகர் ஆர்யாவை வைத்து முத்தையா இயக்கத்தில் படம் ஒன்றினை தயாரிக்க உள்ளதாக தகவல் வெளியானது.
‘
தற்பொழுது ஆர்யாவிற்கு ராஜ்கமல் நிறுவனத்துக்கும் ஏதோ மனஸ்தாபம் ஏற்பட்டுள்ளது என செய்திகள் வெளியாகி இருக்கிறது. இது ஆர்யாவின் சம்பளம் தொடர்பாக இருக்கலாம் என்ற செய்திகள் பரவிக்கொணடு இருக்கின்றன.
முன்னதாக ஆர்யாவிற்கு 15 கோடி சம்பளம் பேசியதாகவும் பின்பு அதை குறைத்த காரணத்தினால் அந்த படத்திலிருந்து ஆர்யா விலக உள்ளார் என்றும் கூறப்படுகிறது. இந்நிலையில் கமல் தரப்பிற்கும் ஆர்யாவிற்கும் பேச்சு வார்த்தை நடந்து வருகிறது விரைவில் இது தொடர்பான பிரச்சினைக்கு தீர்வு கிடைக்கும் என்று சொல்லப்படுகிறது.
