தமிழ் சினிமாவில் பாப்புலர் இயக்குநர்களில் ஒருவராக வலம் வருபவர் பிரதீப் ரங்கநாதன். இவர் இயக்கிய முதல் படமே சூப்பர் ஹிட்டானது. அது தான் ‘கோமாளி’. இதில் ஹீரோவாக ‘ஜெயம்’ ரவி நடித்திருந்தார்.
பிரதீப் ரங்கநாதன் இயக்கி, ஹீரோவாக நடித்த ‘லவ் டுடே’ திரைப்படம் 2022-ஆம் ஆண்டு ரிலீஸானது. இதில் பிரதீப் ரங்கநாதனுக்கு ஜோடியாக இவானா நடித்திருந்தார். இப்படம் ரசிகர்களிடையே நல்ல வரவேற்பை பெற்று மெகா ஹிட்டானது.
இதனைத் தொடர்ந்து பிரதீப் ரங்கநாதன் ஹீரோவாக நடிக்கும் புதிய படத்தை இயக்குநர் விக்னேஷ் சிவன் இயக்குகிறார். ‘LIC’ (Love Insurance Corporation) என டைட்டில் சூட்டப்பட்டுள்ள இந்த படத்தில் ஹீரோயினாக க்ரித்தி ஷெட்டி நடிக்கிறார்.
தற்போது, பிரதீப் ரங்கநாதன் ‘லவ் டுடே’ படத்தின் பார்ட் 2-வை எடுக்கத் திட்டமிட்டுள்ளதாக தகவல் கிடைத்துள்ளது. இந்த படத்தையும் முதல் பாகத்தை தயாரித்த ‘AGS எண்டர்டெயின்மெண்ட்’ஏ தயாரிக்கவுள்ளதாம். மிக விரைவில் இது குறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.
