அஜித் , விஜய் , சூர்யாவுடன் இயக்குனர் சிறுத்தை சிவா !

இயக்குனர் சிறுத்தை சிவா இயக்கத்தில் கடைசியாக வெளியான படம் அண்ணாத்த . இந்த படத்தில் ரஜினிகாந்த் நடித்து இருந்தார். மேலும் நயன்தாரா , கீர்த்தி சுரேஷ், மீனா ,குஷ்பு என ஒரு நட்சத்திரக்கூட்டமே நடித்து இருந்தது. கடந்த வருடம் தீபாவளிக்கு வெளியான இந்த படம் கலவையான விமர்சனங்களை பெற்றது.

அண்ணாத்த படத்தை தொடர்ந்து சிறுத்தை சிவா நடிகர் சூர்யாவை வைத்து ஒரு படம் இயக்க உள்ளதாக தகவல் வெளியாகி இருந்தது.அந்த படம் இரண்டு பாகங்களாக உருவாக உள்ளது. படத்தின் படப்பிடிப்பு ஜூலை மாதம் நடக்க இருக்கிறது.இந்த படத்தை தயாரிப்பாளர் ஞானவேல் தயாரிக்க இருக்கிறார். இது தவிர நடிகர் அஜித் நடிக்க இருக்கும் படம் ஒன்றையும் சிறுத்தை சிவா இயக்க உள்ளார். அந்த படத்தை சன் பிக்சர்ஸ் நிறுவனம் தயாரிக்க உள்ளது என்ற தகவலும் வெளியாகி இருந்தது.

இந்நிலையில் சிறுத்தை சிவா நடிகர் விஜய்யை சந்தித்து ஒரு கதை சொல்லியாக தகவல் வெளியாகி இருக்கிறது. ஏற்கனேவே நடிகர் விஜய் வம்ஷி படத்தில் நடித்து கொண்டு இருக்கிறார் . இதனை அடுத்து லோகேஷ் படத்தில் நடிக்க இருக்கிறார் . இந்த இரண்டு படங்களை அடுத்து சிறுத்தை சிவா படத்தில் விஜய் நடிக்க வாய்ப்பு உள்ளது .

சிறுத்தை சிவா அஜித் ,விஜய் , சூர்யா என முன்னணி நடிகர்ளுடன் படம் இயக்க உள்ளார் என்பது கோலிவுட்டின் ஹாட் டாப்பிக் ஆகி உள்ளது .