விஜய்யுடன் மோதும் சூர்யா !

நடிகர் சூர்யா நடிப்பில் கடைசியாக வெளியான படம் எதற்கும் துணிந்தவன். இந்த படத்தை இயக்கியவர் இயக்குனர் பாண்டியராஜ். சன் பிக்சர்ஸ் நிறுவனம் இந்த படத்தை தயாரித்து இருந்தது.
இந்த படத்தை தொடர்ந்து நடிகர் சூர்யா ,இயக்குனர் வெற்றிமாறன் இயக்கத்தில் நடிக்க உள்ள வாடிவாசல் படத்தின் டெஸ்ட் ஷூட் சென்னையில் நடந்தது. வெற்றிமாறன் சூரி நடிக்கும் விடுதலை படத்தை இயக்கி வருகிறார்.அந்த படம் வெளியான பின் வாடிவாசல் படம் முழுவதுமாக தொடங்கும் என்று கூறப்படுகிறது.

இந்த நிலையில் நடிகர் சூர்யா தற்பொழுது இயக்குனர் பாலா இயக்கத்தில் நடித்து வருகிறார். இந்த படத்தின் முதற்கட்ட படப்பிடிப்பு கன்னியாகுமரி மாவட்டத்தில் நடந்து முடிந்தது . இந்த படத்தில் நடிகர் சூர்யா இரண்டு வேடங்களில் நடிக்கிறார் என்றும் ஒரு வேடத்தில் காது கேளாத மற்றும் வாய் பேசாத நபராக நடிக்கிறார் என்ற செய்திகளும் வெளியாகி இருந்தது .

படத்தின் இரண்டாம் கட்ட படப்பிடிப்பு கோவாவில் தொடங்க இருப்பதாக தகவல் வெளியாகி இருந்தது . இந்நிலையில் நடிகர் சூர்யாவிற்கும் பாலாவிற்கும் சிறிய பிரச்சனை ஏற்பட்டது அதனால் இரண்டாம் கட்டப் படப்பிடிப்பு துவங்காமல் இருந்தது . தற்போது இந்த படத்தின் இரண்டாவது கட்டப் படப்பிடிப்பு பாண்டிச்சேரியில் ஜூலை 15-ஆம் தேதி தொடங்க உள்ளது .

இந்நிலையில் சூர்யா 41 படத்தின் தலைப்பு அவரது பிறந்த நாளான ஜூலை 23-ஆம் தேதி வெளியாகும் இன்று நம்பப்படுகிறது .இதனிடையே சூர்யா 41 படத்தை வருகின்ற பொங்கலுக்கு திரையிடலாம் என்ற முடிவில் படக்குழு இருப்பதாக தகவல் வெளியாகி இருக்கிறது .மேலும் நடிகர் விஜய்யின் வாரிசு படமும் பொங்கலுக்கு திரைக்கு வர இருப்பது குறிப்பிடத்தக்கது . நீண்ட இடைவேளைக்கு பிறகு சூர்யா மற்றும் விஜய்யின் படங்கள் ஒரே நாளில் வெளியாவதால் ரசிகர்கள் உற்சாகத்தில் உள்ளனர் .