நடிகர் விஜய் தற்போது வம்சி இயக்கத்தில் வாரிசு படத்தில் நடித்து வருகிறார் . தெலுங்கில் பிரபல தயாரிப்பாளராக இருக்கும் தில் ராஜு இந்த படத்தை தயாரித்து வருகிறார் . ராஷ்மிகா நாயகியாக நடிக்கும் இந்த படத்திற்கு தமன் இசையமைத்துள்ளார். பிரபு , சரத்குமார் , பிரகாஷ் ராஜ் ,குஷ்பு , ஷ்யாம் , உள்ளிட்ட பல நட்சத்திரங்கள் இந்த படத்தில் நடித்து உள்ளனர் .
இந்நிலையில் வாரிசு படத்தின் முதல் பாடல் சில நாட்களுக்கு முன் வெளியானது . தமன் இசையில் ரஞ்சிதமே என்கிற பாடலை நடிகர் விஜய் மற்றும் மானசி இணைந்து பாடி இருந்தனர் . வெளியான முதல் இந்த பாடல் விஜய் ரசிகர்களிடம் நல்ல வரவேற்பை பெற்று வருகிறது . தமிழ்நாட்டில் வருகிற பொங்கல் தினத்தன்று இந்த படம் வெளியாக உள்ளது என்று படக்குழு அறிவித்து இருந்தது .
இந்நிலையில் தற்போது இந்த படத்திற்கு திடீர் பிரச்சனை ஏற்பட்டுள்ளது . தெலுங்கு தயாரிப்பாளர் தில் ராஜு தயாரித்துள்ள இந்த படத்தை தெலுங்கிலும் வெளியிட முடிவு செய்யப்பட்டு இருந்தது ஆனால் தற்போது தெலுங்கு தயாரிப்பாளர் சங்கம் தெலுங்கு மொழியில் உருவாகும் படத்திற்கு தான் முன்னுரிமை அளிக்கப்படும் என்று அறிக்கைவிட்டுள்ளது . இதனால் வாரிசு படத்தை தமிழ் மற்றும் தெலுங்கில் அடுத்த ஆண்டு ஜனவரி 26 -ஆம் தேதி வெளியிட வாய்ப்புள்ளது என்ற பேச்சு கோலிவுட் வட்டாரத்தில் எழுந்து உள்ளது .
Home