லேடி சூப்பர்ஸ்டார் என்று ஏன் அழைக்க வேண்டும் ?

பிரபல நடிகை மாளவிகா மோகனன் நடிப்பில் மலையாளத்தில் உருவாகி உள்ள படம் கிறிஸ்டி. இந்த திரைப்படம் வருகின்ற பிப்ரவரி 17-ந் தேதி திரையரங்குகளில் ரிலீசாக உள்ளது. இப்படத்தில் மாளவிகா மோகனனுக்கு ஜோடியாக மேத்யூ தாமஸ் நடித்துள்ளார்.

இந்நிலையில் , கிறிஸ்டி பட புரமோஷன் நிகழ்ச்சிகளில் மாளவிகா பங்கேற்று வருகிறார் .அந்த வகையில் பேட்டி ஒன்றில் பங்கேற்ற நடிகை மாளவிகா மோகனனிடம் லேடி சூப்பர்ஸ்டார் டைட்டில் பற்றி கேள்வி கேட்கப்பட்டது . இதற்கு பதிலளித்த அவர், நடிகைகளை லேடி சூப்பர்ஸ்டார் என்று அழைக்காமல் சூப்பர்ஸ்டார் என்றே அழைக்கலாம் என்று கூறி இருந்தார். கத்ரீனா கைப், ஆலியா பட், தீபிகா படுகோனே ஆகியோரை சூப்பர்ஸ்டார் என்று தான் அழைக்கிறோம் என்று தெரிவித்து இருந்தார் .

மாளவிகா மோகனனின் இந்த பேட்டியை பார்த்த நெட்டிசன்கள் அவர் லேடி சூப்பர்ஸ்டார் நயன்தாராவை தான் மறைமுகமாக குறிப்பிட்டு பேசியுள்ளதாக கமெண்ட் செய்து வந்தனர். இந்த செய்தி இணையத்தில் வைரலாக தொடங்கியது . பலர் ஊடகங்கள் இந்த செய்தியை மாளவிகா நயன்தாராவுக்கு எதிராக தான் பேசி உள்ளார் என்று செய்தி பதிவிட்டனர் .

இதனை பார்த்த மாளவிகா இந்த சர்ச்சை குறித்து டுவிட்டரில் விளக்கம் அளித்துள்ளார். அதில் பதிவிட்டுள்ளதாவது : “நான் குறிப்பிட்ட எந்த நடிகையையும் குறிப்பிடவில்லை, பெண் நடிகைகளை பற்றி தான் என்னுடைய கருத்தை தெரிவித்தேன். நான் நடிகை நயன்தாரா மீது மதிப்பும் மரியாதையும் வைத்திருக்கிறேன். ஒரு சீனியராக அவரது அசாத்தியமான இந்த பயணத்தை நான் வியந்து பார்க்கிறேன். ப்ளீஸ் அமைதியாக இருங்கள் முக்கியமாக சிறு பத்திரிகையாளர்களே நீங்கள் அமைதியாக இருங்கள் என்று பதிவிட்டுள்ளார் மேலும் நயனுக்கு எப்போதும் என் அன்பு உண்டு” என ஹார்டினை பறக்கவிட்டுள்ளார் மாளவிகா மோகனன்.