வாரிசு படத்தில் சிறப்பு தோற்றத்தில் நடிக்கும் விரல் வித்தை நடிகர் !

நடிகர் விஜய் தற்போது வம்சி இயக்கத்தில் வாரிசு படத்தில் நடித்து வருகிறார் . தெலுங்கில் பிரபல தயாரிப்பாளராக இருக்கும் தில் ராஜு இந்த படத்தை தயாரித்து வருகிறார் . ராஷ்மிகா நாயகியாக நடிக்கும் இந்த படத்திற்கு தமன் இசையமைத்துள்ளார். பிரபு , சரத்குமார் , பிரகாஷ் ராஜ் ,குஷ்பு , ஷ்யாம் , உள்ளிட்ட பல நட்சத்திரங்கள் இந்த படத்தில் நடித்து உள்ளனர் .

இந்நிலையில் வாரிசு படத்தின் முதல் பாடல் சில நாட்களுக்கு முன் வெளியானது . தமன் இசையில் ரஞ்சிதமே என்கிற பாடலை நடிகர் விஜய் மற்றும் மானசி இணைந்து பாடி இருந்தனர் . வெளியான முதல் இந்த பாடல் விஜய் ரசிகர்களிடம் நல்ல வரவேற்பை பெற்று வருகிறது . தமிழ்நாட்டில் வருகிற பொங்கல் தினத்தன்று இந்த படம் வெளியாக உள்ளது என்று படக்குழு அறிவித்துள்ளது .

இது ஒரு பக்கம் இருக்க வாரிசு படத்தின் அடுத்த பாடல் டிசம்பர் முதல் வாரத்தில் வெளியாகும் என்று கூறப்படுகிறது . இந்நிலையில் வாரிசு படத்தில் நடிகர் சிம்பு ஒரு பாடல் பாடியுள்ளார் என்ற தகவல் வெளியாகி இருந்தது . இந்நிலையில் தற்போது சிம்பு இந்த படத்தின் மேக்கிங் வீடியோவில் வருவார் என்றும் மேலும் படத்தில் பாடல் காட்சியில் சிறப்பு தோற்றத்தில் நடிக்கிறார் என்றும் கூறப்படுகிறது . இதனால் நடிகர் சிம்பு மற்றும் விஜய்யின் ரசிகர்கள் உற்சாகத்தில் உள்ளனர் .