லோகேஷ் கனகராஜ் இயக்கத்தில் நடிகர் கமல்ஹாசன் நடிப்பில் உருவாகி உள்ள படம் விக்ரம் .இந்த படத்தில் விஜய்சேதுபதி , ஃபகத் பாசில் , காளிதாஸ் ஜெயராம் உள்ளிட்ட பலர் நடித்து உள்ளனர் . இந்த படத்தின் இசை மற்றும் டிரைலர் வெளியீட்டு விழா சென்னையில் சமீபத்தில் நடந்தது. இதில் சிறப்பு விருந்தினராக இயக்குனர் பா .ரஞ்சித்,நடிகர் சிலம்பரசன், நடிகர் உதயநிதி ஸ்டாலின் கலந்து கொண்டனர். நடிகர் உதயநிதி ஸ்டாலின் விக்ரம் படத்தை நடிகர் கமலுடன் இணைந்து வெளியிடுகிறார்.
நடிகர் சூர்யா விக்ரம் படத்தில் சிறப்பு தோற்றத்தில் நடித்து இருப்பதாக தகவல் வெளியாகி இருந்தது. இதனை அடுத்து டிரைலர் வெளியீட்டு விழாவில் நடிகர் கமல் மற்றும் இயக்குனர் சூர்யா இந்த படத்தில் நடித்து இருப்பதை உறுதி செய்தனர் .
இந்நிலையில் விக்ரம் படத்தின் இந்தி டிரைலர் நேற்று வெளியாகி இருந்து . இந்தியில் இந்த படம் விக்ரம் ஹிட் லிஸ்ட் என்கிற தலைப்பில் வெளியாக இருக்கிறது . நடிகர் ரன்வீர் சிங் இந்தி விக்ரம் படத்தின் ட்ரைலரை டிவீட்டரில் பகிர்ந்து இருந்தார் . தற்போது விக்ரம் படத்தின் தெலுங்கு டிரைலர் பற்றின தகவல் வெளியாகி இருக்கிறது . தெலுங்கில் முன்னணி நடிகராக இருக்கும் ராம் சரண் விக்ரம் படத்தின் தெலுங்கு டிரைலரை வெளியிடுகிறார் .
