நடிகர் விஜய் நடிப்பில் நெல்சன் திலீப்குமார் இயக்கத்தில் சமீபத்தில் வெளியான படம் மிருகம். இப்படம் ஏப்ரல் 13ஆம் தேதி வெளியானது. படம் வெளியான பிறகு கலவையான விமர்சனங்களை பெற்றது. நடிகர் விஜய் நடிக்கும் அடுத்த படமான வாரிசு படத்தின் பூஜை சமீபத்தில் சென்னையில் நடைபெற்றது. அதன் பிறகு படத்தின் முதல் கட்ட படப்பிடிப்பு சென்னையில் சில நாட்கள் நடந்தது. அதன் பிறகு படத்தின் இரண்டாம் கட்ட படப்பிடிப்பு ஹைதராபாத்தில் முடிந்தது.
இப்படத்தில் நடிகர் விஜய்க்கு ஜோடியாக ராஷ்மிகா நடிக்கிறார். தோழா படத்தை இயக்கிய இயக்குனர் வம்சி இப்படத்தை இயக்குகிறார். இப்படத்தில் சரத்குமார், பிரகாஷ் ராஜ், பிரபு, நடிகை ஜெயசுதா ஆகியோரும் நடித்துள்ளனர். படத்தின் மூன்றாவது கட்ட படப்பிடிப்பு சென்னையில் நடந்து முடிந்தது தற்போது நான்காவது கட்ட படப்பிடிப்பு ஆந்திராவில் நடந்து வருகிறது . இந்த படத்திற்கு வாரிசு என்ற தலைப்பு வைத்து விஜய் பிறந்த தினத்தன்று ரசிகர்களுக்கு அறிவித்தனர் .
இந்நிலையில் நடிகர் விஜய் நடிக்கும் தனது 67 வது படத்தை இயக்குனர் லோகேஷ் கனகராஜ் இயக்கவுள்ளதாக ஏற்கனவே தகவல் வெளியானது. இந்நிலையில் லோகேஷ் – விஜய் கூட்டணியில் உருவாகும் படத்திற்கு ‘ நான் வாழும் உலகம் ” என்று தலைப்பு வைத்துள்ளதாக தகவல் வெளியாகி உள்ளது . நடிகர் விஜய் தனது படங்களுக்கு பீஸ்ட் , மாஸ்டர் என்று ஆங்கிலத்தில் தலைப்பு வைத்து இருந்தார் . அதற்கு சில எதிர்ப்பு குரல் எழுந்தது . இதனால் நடிகர் விஜய் தமிழில் தலைப்பு வைக்க சொல்லி இருக்கலாம் என்று நம்பப்படுகிறது .
வாரிசு படத்தின் தலைப்பு விஜய் ரசிகர்கள் பெரிதாக கவரவில்லை இந்நிலையில் தளபதி 67 படத்தின் இந்த தலைப்பு வரவேற்பை பெறுமா இல்லையா என்பதை பொறுத்திருந்து தான் சொல்ல வேண்டும் .
