தமிழ் சினிமாவின் முன்னணி நடிகர்களில் ஒருவர் நடிகர் அஜித் குமார் . இவர் நடிப்பில் கடைசியாக வெளியான படம் வலிமை . இந்த படத்தை இயக்கியவர் ஹச்.வினோத் . இந்த படம் எதிர்பார்த்த வெற்றியை பெறவில்லை . அதனை தொடர்ந்து நடிகர் அஜித் மீண்டும் ஹச். வினோத் இயக்கத்தில் நடித்து வருகிறார் . இந்த படத்திற்கு ஜிப்ரான் இசையமைத்து கொண்டிருக்கிறார் . மேலும் அஜித் அதனை தொடர்ந்து விக்னேஷ் சிவன் இயக்கத்தில் ஒரு படம் நடிக்க உள்ளார் . அந்த படத்தை லைக்கா நிறுவனம் தயாரிக்க உள்ளது .
இந்நிலையில் நடிகர் அஜித் நடிக்கும் அவரது 61-வது படத்தின் படப்பிடிப்பு ஹைதராபாதில் நடந்து முடிந்து உள்ளது . இந்த படத்தின் கதை வங்கி கொள்ளையை மையமாக வைத்து எழுதப்பட்டுள்ளதாக தகவல் வெளியாகி இருந்தது . மேலும் இந்த படத்திற்காக ஒன்பது ஏக்கரில் வங்கி செட் போடப்பட்டுள்ளதாக தகவல் வெளியாகி இருந்தது .தற்போது விசாகப்பட்டினத்தில் படப்பிடிப்பு நடந்து வருகிறது .
. டிசம்பர் மாதம் இந்த படத்தின் படப்பிடிப்பு முடியும் என்று நம்பப்படுகிறது . நடிகை மஞ்சு வாரியர் இந்த படத்தில் நாயகியாக நடித்து வருகிறார் . இந்நிலையில் இந்த படத்தின் வெளியீட்டு உரிமையை உதயநிதி வாங்க உள்ளார் என்ற செய்தி வெளியாகியுள்ளது . தொடர்ந்து முன்னணி நடிகர்களின் படத்தை வாங்கி வெளியிடுவதில் ஆர்வம் காட்டுகிறார் என்பது குறிப்பிடத்தக்கது .
