நடிகர் விஜய் நடிக்கும் அடுத்த படமான தளபதி 66 படத்தின் பூஜை சென்னையில் சில மாதங்களுக்கு முன்னர் நடந்தது . அதன் பிறகு படத்தின் முதல் கட்ட படப்பிடிப்பு சென்னையில் சில நாட்கள் நடந்தது . அதன் பிறகு படத்தின் இரண்டாம் கட்டப் படப்பிடிப்பு ஹைதராபாத்தில் நடந்து முடிந்துள்ளது.
இந்த படத்தில் நடிகர் விஜய்க்கு ஜோடியாக ராஷ்மிகா நடித்து வருகிறார் . தோழா படத்தை இயக்கிய இயக்குனர் வம்சி இந்த படத்தை இயக்கி வருகிறார் . மேலும் இந்த படத்தில் நடிகர்கள் சரத்குமார் , பிரகாஷ் ராஜ் , பிரபு , நடிகை ஜெயசுதா , நடிகை சங்கீதா மற்றும் பிக் பாஸ் புகழ் சம்யுக்தா ஆகியோர் நடிப்பதாக தகவல் வெளியானது . முழுக்க முழுக்க குடும்ப படமாக இந்த படம் உருவாக இருக்கிறது . இந்த படத்திற்கு வாரிசு என்று தலைப்பு வைத்துள்ளனர் .இந்நிலையில் வாரிசு படத்தின் ஐந்தாவது கட்ட படப்பிடிப்பு விசாகப்பட்டிணத்தில் நடந்து வருகிறது.
இசையமைப்பாளர் தமன் முதன் முதலாக விஜய் படத்திற்கு இசையமைக்கிறார் . பொதுவாக நடிகர் விஜய் நடிக்கும் பாடல்கள் அனைத்தும் சிறப்பாக இருக்கும் எனவே தமன் இசை மீது அனைவரும் மிகவும் எதிர் பார்ப்புடன் இருக்கின்றனர் . இந்நிலையில் வாரிசு படத்தின் முதல் பாடல் தீபாவளிக்கு வெளியாகும் என்று கூறப்படுகிறது . மேலும் வாரிசு படத்திற்கு ஆடியோ லான்ச் நிச்சயம் நடக்க இருக்கிறது என்ற தகவலும் வெளியாகி உள்ளது .
இந்நிலையில் வாரிசு படத்தை தொடர்ந்து விஜய் லோகேஷ் இயக்கத்தில் நடிக்க உள்ளார் . அந்த படத்தை தயாரிப்பாளர் லலித் தயாரிக்க உள்ளார் . அதனை தொடர்ந்து தேனாண்டாள் நிறுவனத்தில் நடிப்பார் என்று கூறப்படுகிறது . இது ஒருபக்கம் இருக்க சமீபத்தில் நடிகர் ஜீவா பத்திரிகையாளர்களை சந்தித்தார் . அதில் அவரது தந்தையின் தயாரிப்பு நிறுவனமான சூப்பர் குட் பிலிம்ஸ் நிறுவனத்தின் 100 வது படத்தில் நடிகர் விஜய் நடிக்க அதிக வாய்ப்புள்ளது என்று கூறியுள்ளார் . மேலும் கதை அமைந்தால் விஜய்யுடன் சேர்ந்து நடிப்பேன் என்று கூறியுள்ளார் . சூப்பர் குட் பிலிம்ஸ் 100 வது படத்தில் நடிக்க விஜய் சம்மதிப்பாரா என்று காத்திருந்து தான் பார்க்க வேண்டும் .
ஏற்கனவே சூப்பர் குட் பிலிம்ஸ் நிறுவனத்தின் 75 படமான ஜில்லா படத்திலும் விஜய் நடித்தார் என்பது குறிப்பிடத்தக்கது .
